*Elimizde aýyl sharýashylyǵyna baǵyttalǵan sýbsıdııa 68 paıyzǵa ósken. Parlament Senatynyń depýtaty Qýanysh Aıtahanovtyń aıtýynsha, byltyr aýyl sharýashylyǵy ónimderiniń jalpy kólemi 2,5 trln. teńgeni quraǵan. Bul – ótken jylǵy deńgeıden 0,8 paıyzǵa artyq.
*UOS ardagerleri elimizdiń eń úzdik klınıkalarynda emdeledi. Densaýlyq saqtaý jáne áleýmettik damý mınıstrliginiń málimetinshe, bıyl UOS-tyń barlyq ardagerleri men qatysýshylaryna medısınalyq jáne ońaltý kómekteri ulttyq ǵylymı ortalyqtarda, ǵylymı-zertteý ınstıtýttarynda, vedomstvoǵa qarasty uıymdarda kórsetilmek.
*Astanada 5 mlrd. teńgeden astam somanyń múlki zańdastyryldy. Aıta keteıik, qaladaǵy árbir aýdan ákimdikteriniń janynan qujat qabyldaý bólimderi qurylǵan. Osy kúnge deıin olarǵa 10 myńnan astam ótinish kelip túsken. Al komıssııalar jyljymaıtyn múlikti zańdastyrý boıynsha nysandardyń jalpy quny 16 mlrd. 195 mln. teńge bolatyn 1 474 ótinishti tirkeýge alǵan.
*Taldyqorǵanda 195 jas otbasyna páter kilti tapsyryldy. Kilt tabystaý rásimine Almaty oblysynyń ákimi Amandyq Batalov qatysty. Qurylysy 2012 jyldyń qarashasynda memlekettik baǵdarlama aıasynda bastalǵan turǵyn úıdegi 195 páterdiń 66-sy – bir bólmeli, 106-sy – eki bólmeli, 23-i úsh bólmeli páter.
*Shymkenttegi «Oxy Textile» jip ıirý fabrıkasynyń jumysy jandandy. Ońtústik Qazaqstan oblystyq ákimdiginiń baspasóz qyzmeti habarlaǵandaı, «Ońtústik» arnaıy ekonomıkalyq aımaǵynda» ornalasqan kásiporynda búginde 90-nan astam adam jumys isteıdi. О́ndiris tolyq qýattylyqqa shyqqanda, 270 adamdy jumyspen qamtý josparlanýda. Fabrıka shıkizatty Baiterek Venture Fund AQ tarapynan bólingen 907,5 mln. teńgege alyp otyr.
*Batys Qazaqstanda sý tasqynynyń aldyn alýǵa 200 mln.-daı teńge bólindi. Oblystyq tótenshe jaǵdaılar departamenti bastyǵynyń orynbasary Omar Berjanovtyń sózine qaraǵanda, jyl basynan beri qala men aýdandardaǵy sý kózderi baqylaýǵa alynyp, zerttelgen. Qazirgi tańda eldi mekenderde qar shyǵarý, aryq tazartý jumystary júrgizilýde.
*Aqtóbede kópbalaly analar marapattaldy. Prezıdent Jarlyǵyna sáıkes Aqtóbe qalasy boıynsha 8 kópbalaly ana «Altyn alqa» jáne «Kúmis alqa» ıegeri atandy. Qazirgi tańda Aqtóbe qalasynda barlyǵy 5 971 kópbalaly ana turady.
Habarlar Úkimet, oblystyq ákimdikter saıttary, «QazAqparat» agenttigi men «24kz» telearnasynyń derekteri boıynsha
daıyndaldy.