ASTANA. 31 naýryz. Prezıdent Nursultan Nazarbaev Qazaqstan kúres federasııasynyń qurmetti prezıdenti, birikken kúres áleminiń bıýro múshesi Dáýlet Turlyhanovty qabyldady. Bul týraly Aqordanyń baspasóz qyzmetine silteme jasaǵan egemen.kz habarlady.
Kezdesý barysynda elde buqaralyq sportty damytý, sonyń ishinde jas urpaqty sportqa baýlý máseleleri talqylandy.
Qazaqstan prezıdenti jastar arasynda salamatty ómir saltyn nasıhattaýdyń, sondaı-aq joǵary jetistikter sportyn damytýmen qatar halyqtyń dene shynyqtyrýmen jáne sportpen belsene aınalysýy úshin qajetti barlyq jaǵdaıdy jasaýdyń mańyzdylyǵyna toqtaldy.
О́z kezeginde Dáýlet Turlyhanov otandyq sporttyń iri qalalarda ǵana emes, shalǵaı óńirlerde de damýyna kórsetip otyrǵan qamqorlyǵy, osyǵan qajetti ınfraqurylymdardyń salynýyna tikeleı muryndyq bolyp kele jatqany úshin Memleket basshysy alǵys aıtty. Munyń negizinde elimiz sportynyń myqty irgetas qalap, sonyń nátıjesinde sportshylarymyzdyń aımaqtyq jáne halyqaralyq jarystarda joǵary kórsetkishter qol jetkizip júrgenin atap ótti.
Sáken Maılybaı.