Elimiz táýelsizdik alǵan kúnnen bastap búginge deıin Elbasy Nursultan Nazarbaevtyń danalyqpen baısaldy júrgizgen ishki-syrtqy saıasaty memleketimizdiń kúsh-qýatyn álemdik bıik deńgeıge kóterip, ekonomıkamyzdyń odan ári qaryshtap damýyna berik negiz qalyptastyrdy.
Memleket degenimiz – mehanızm, onyń árbir tetikteri zamannyń jalpy aǵymy men ahýalyna, halyq múddesine saı jańǵyrtyp, osal tustaryn saýyqtyryp, naqtylap, úzdiksiz jetildirip otyrýdy qajet etedi.
Elbasy usynǵan 5 halyqtyq reforma qazirgi ekonomıkalyq jaǵdaıda elimizdiń odan ári órkendep damýyna, zamannyń jańa talaptaryna jaýap, eldiń áleýmettik deńgeıiniń kóterilýine múmkindik beretin asa mańyzdy memlekettik qujat bolyp tabylady.
О́nerkásip pen óndiris tehnologııalary kún saıyn jańaryp, jańǵyrǵan búgingi dáýirimizde el ekonomıkasyn jahandyq damý úrdisine múltiksiz baǵyttap, óndiristi ındýstrııalandyrý jáne ártaraptandyrý arqyly óńdeýshi sektordy ekonomıkalyq ósimniń draıverine aınaldyrý alda turǵan kezek kúttirmeıtin eń kókeıtesti shara bolyp tabylady. Bul máseleni túbegeıli sheship, óńdeýshi jáne óndirýshi kásiporyndardy qarqyndy júzege asyrý kerek ekenin Elbasy qadap aıtty.
Bes ınstıtýttyq reforma maqsattarynyń biri – ındýstrıalandyrý jáne ekonomıkalyq ósim. «Et óndirisi men óńdeýdi damytý úshin strategııalyq ınvestorlardy tartý. Negizgi mindet shıkizat bazasyn damytý jáne óńdelgen ónimderdi eksporttaý» delingen 61-qadamda. Bul aýyl eńbekkerlerin tyń tabystarǵa yntalandyryp, maldarynyń ónimderin kádege jaratýdaǵy kedergiler men qıyndyqtardan shyǵýyna jol ashatyny sózsiz.
Sonymen qatar, 35, 36-qadamdarda aıtylǵan aýylsharýashylyq jerlerin tıimdi paıdalaný maqsatymen olardy naryqtyq aınalymǵa engizý, barlyq paıdalanylmaı jatqan jerdi aldaǵy ýaqytta jekeshelendirý úshin memlekettik qorǵa berý týraly sheshim de aýylda jer máselesin retteýdegi ádilettilikti jónge keltiretin mańyzdy shara. Qazir aýyldyq jerlerde mıllıondaǵan gektar jer ıgerilmeı jatyr. Ulan-baıtaq jerdi ıemdenip alyp ne ózi paıdaǵa jaratpaı, ne ózgege bermeı otyrǵandar qanshama.
50-qadamda tujyrymdalǵan elektr energetıkasy salasyn qaıtadan qurý «Biryńǵaı satyp alýshy» modelin engizip, óńirler arasyndaǵy elektr energııasynyń ártúrli tarıfterin retteýge, tutynýshylar quqyǵyna ádiletti qaraýǵa múmkindik beredi. Osy qadam arqyly elektr energııasynyń baǵasynyń negizsiz ústi-ústine qymbattaýynan mezi bolǵan turǵyndardyń eńsesi kóterilip qalatyny anyq.
Aldaǵy ýaqytta júzege asyrylatyn bes halyqtyq reforma – el yrysyn eselep arttyrýǵa, ekonomıkamyzdyń damý qarqynyn jedeldetip, halyqtyń ál-aýqatynyń deńgeıin kóterýge, óndiristiń eksporttyq qabiletin, basqarý júıesiniń ádilettiligi men zańnyń ústemdigin qalyptastyrýǵa, bilim men ǵylymnyń damýyna, elimizdiń birtektiliginiń, patrıottyq rýhynyń kemeldenýine bastaıtyn aıqyn maqsatkerlikpen, kemeńger kóregendikpen jasalǵan baǵdarlama, halqymyzdyń jarqyn bolashaǵynyń kilti.
Ǵazym JARYLǴAPULY,
Qaraǵandy oblystyq máslıhatynyń depýtaty, Jańaarqa aýdanynyń Qurmetti azamaty.