ASTANA. 26 tamyz. Astanada Qorǵ,anys mınıstrliginde elimizdiń qorǵanys salasyn damytý men shet eldermen yntymaqtastyqty arttyrýǵa arnalǵan konferensııa ótti. Bul týraly egemen.kz tilshisi habarlady.
Oǵan Qorǵanys mınıstrliginiń qurylymdyq bólimsheleri men oqý oryndarynda qorǵanys ónerkásibi kesheniniń jáne Reseı, Belarýs, Fransııa men Túrkııa elshilikteriniń ókilderi qatysty. Jıynda qazaqstandyq qorǵanys ónerkásibi kesheni men áskerı ǵylymdy damytý persektıvalaryn, halyqaralyq áskerı-tehnıkalyq ıntegrasııanyń múmkindikterin, zamanaýı qarý-jaraq pen arnaıy tehnıkalardy ózara jetkizý máseleleri talqylandy.
«Qazaqstan Qorǵanys mınıstrliginiń basshylyǵy qazirgi zamanǵy áskerı tehnıkany damytýǵa erekshe nazar aýdarýda. Tek úsh talap ǵana qaıta qarýlaný úderisinde zamanaýı tehnologııany qoldanýdyń barlyq ulttyq qaýipsizdik syndaryna tótep berýi múmkin», dedi konferensııada sóılegen sózinde Qorǵanys mınıstriniń orynbasary general-maıor Talǵat Muhtarov.
Jınalǵan tórt el ókilderiniń máselesi Astanada bıyl 25 men 26 tamyzy aralyǵynda ótetin «Qazaqstan Respýblıkasy Qarýly Kúshterdiń áskerleri men áskerı quralymdaryn tehnıkalyq jabdyqtaý jáne qorǵanys ónerkásibi keshenin damytý» atty VI-shi halyqaralyq áskerı-ǵylymı konferensııasy aınalasynda órbidi.
Konferensııa aıaqtalysymen qatysýshylar is-shara barysynda aıtylǵan usynystardy is júzinde iske asyrýǵa arnalǵan usynys qataryn ázirleýdi josparlap otyr.
Búgingi kúni Qazaqstanda áskerı ónim shyǵarý jáne ony eki jaqty paıdalaný ónidirisimen aınalysatyn birqatar kásiporyndar qyzmet etetinin aıta ketken jón. Atap aıtsaq, «Semeı ınjınırıng» AQ, «Zenıt» Oral zaýyty» AQ, «Tynys» AQ, «S.M.Kırov atyndaǵy kólik óndirisi zaýyty» AQ, «Qazaqstan Paramaýnt ınjınırıng» JShS, «Qazaqstan Aselsan ınjınırıng» JShS sııaqty zaýyttar sapaly jylýǵa den qoıǵysh qurylǵylaryn, nysanaǵa arnalǵan lınzalar, túnde kórýge arnalǵan qurylǵylaryn, avtomattandyrylǵan basqarý qurylǵysyn shetke shyǵara alady.
Dastan Kenjalın.
Derek, sýret: Qazaqstan Resýpbldıkasy Qorǵanys mınıstrligi.