Shildeniń 19-ynda Almaty qalasynda Ishki ister mınıstri S.Baımaǵanbetovtiń qatysýymen IIM alqasynyń otyrysy bolyp ótti. Onda 2010 jyldyń birinshi jartyjyldyǵy boıynsha jumys qorytyndylary talqylanyp, ishki ister organdarynyń kelesi jylǵa arnalǵan negizgi mindetteri belgilendi, dep habarlady QR IIM baspasóz qyzmeti.
S.Baımaǵanbetov keńeste aǵymdaǵy jyly mınıstrlik Memleket basshysy N.Nazarbaevtyń tapsyrmalaryn iske asyrý boıynsha uıymdastyrýshylyq-praktıkalyq sharalar, azamattardyń qaýipsizdigin nyǵaıtý, olardyń konstıtýsııalyq quqyqtary men bostandyqtaryn qylmystyq qol suǵýshylyqtan qorǵaý mindetterin júzege asyratynyn atap ótti.
Birinshi jartyjyldyq ishinde ishki ister organdary 60,9 myń qylmys tirkegen. Aýyr jáne asa aýyr qylmystar, onyń ishinde densaýlyqqa zııan keltirý, qaraqshylyq, sondaı-aq jasóspirimder qylmysy tómendegen. Qylmystardyń ashylýy ulǵaıǵan. Sonymen birge, urlyqtar men tonaýlardyń, qoǵamdyq oryndar men kóshelerdegi qylmys sanynyń ósýi baıqalady. Jeke qylmys túrleriniń statıstıkalyq ósýi esepke alý-tirkeý tártibin qatańdatýmen bekemdele túsken.
Uıymdasqan qylmystyń 33 “qylmystyq bedeldisi”, 29 jetekshisi men 151 qatysýshysy qylmystyq jaýapkershilikke tartylǵan. 4817 esirtki qylmysy, onyń ishinde esirtki satýdyń 1433 faktisi anyqtalǵan. Zańsyz aınalymnan 8,4 tonna esirtki tárkilenipti.
Kóshi-qon zańnamasyn buzǵany úshin 85 myń sheteldik jaýapkershilikke tartylsa, 10,7 myńnan astam adam elimizden shyǵarylǵan. Qabyldanyp jatqan sharalar barlyq óńirlerdegi apattylyq jaǵdaılarynyń tómendeýine qol jetkizýge múmkindik bergen. Joldaǵy 992 myń zań buzýshylyqtyń aldy alynyp, JQO – 6,3%, zardap shekkender – 6%, onyń ishinde qaza bolǵandar – 1,7%, JKO – 9%, qaza bolǵandar – 14%, jaraqattanǵandar 10% tómendegen.
Alqa jınalysynda qoǵamdyq tártipti saqtaý jáne qoǵamdyq qaýipsizdikti qamtamasyz etý boıynsha jumys nátıjeleri, qylmystardy ashý, ýchaskelik ınspektorlar, sondaı-aq patrýldik polısııa bólinisteri jumysynyń tıimdiligin arttyrý boıynsha qabyldanyp jatqan sharalar qaraldy. Sybaılas jemqorlyqqa qarsy kúres, ishki ister organdaryndaǵy zańdylyq pen tártipti nyǵaıtý boıynsha sharalar aıqyndaldy.
Mınıstr polısııanyń qyzmetin kósheler men qoǵamdyq oryndardaǵy quqyqtyq tártiptiń jaı-kúıi boıynsha baǵalanatynyn atap kórsetti. Jaqynda qabyldanǵan “Quqyq buzýshylyqtardyń profılaktıkasy týraly” Zańdy iske asyrýmen baılanysty edáýir jumys júrgiziledi dep kútilýde. Eń aldymen patrýldik-bekettik qyzmetti, kámeletke tolmaǵandardyń isi jónindegi ınspektorlardyń, “mekteptegi” ınspektorlardyń jáne ýchaskelik polısııa ınspektorlarynyń jumysyn jandandyrý jáne jetildirý týraly áńgime qozǵaldy. Vedomstvo basshysy quqyq buzýshylyqtardyń aldyn alýdy kúsheıtýge, urlyqqa, tonaýǵa jáne qaraqshylyq shabýyldarǵa qarsy kúrestiń tıimdiligin arttyrýǵa, aýyr jáne asa aýyr qylmystardy ashýǵa, uıymdasqan qylmys túrlerine jáne esirtki bıznesine qarsy kúresti qatańdatýǵa, kóshi-qon baqylaýyn, jeke quram arasyndaǵy tártipti nyǵaıtýǵa basa nazar aýdardy.
S.Baımaǵanbetov Memleket basshysy ishki ister organdarynyń aldyna qoıǵan basym mindetterdiń ýaqtyly sheshilýin qamtamasyz etýge nazar aýdardy.
Ishki ister organdary men ishki áskerlerdiń jeke quramyn daıyndaý maqsatynda aǵymdaǵy jylǵy 19 shildede Almaty oblysynda múddeli organdardy tarta otyryp, keń aýqymdy arnaıy-taktıkalyq oqý-jattyǵýy ótkizildi.Qarýlanǵan qylmystyq toptar men bandalyq qurylymdardy joıý boıynsha birlesken is-sharalardy pysyqtaý oqýdyń negizgi mindeti bolyp tabyldy. Oqýǵa jumyldyrylǵan polısııa men ishki áskerlerdiń kúshteri ózderine qoıylǵan mindetterdi sheshýde jınaqylyq pen úılesimdilik kórsetti.
Jalpy, oqý jeke quramnyń boıynda kásibı daǵdy men polıseıler men áskerı qyzmetshilerdiń qysyltaıań jaǵdaılarǵa psıhologııalyq daıyndyǵyn qalyptastyrýǵa yqpal etti. Oqýǵa Ishki ister mınıstri, IIM-niń ortalyq apparaty men Ishki áskerler komıtetiniń basshylyq quramy, aýmaqtyq jáne kóliktegi IID-niń bastyqtary, sondaı-aq Almaty garnızony ishki ister organdary men ishki áskerleriniń jeke quramy qatysty.