ASTANA. 3 sáýir. FIFA (FIFA) fýtboldan 2018 jylǵy álem chempıonatynyń Reseıde ótýine qarsy bolǵan AQSh senatorlarynyń hatyn qanaǵattandyrmady. Bul týraly lenta.ru habarlady.
FIFA-nyń kommýnıkasııa boıynsha dırektory Delıı Fısher osy máselege qatysty aqparat quraldaryna hat joldady. Onda saıası qaqtyǵystar úshin sporttyq sharalarǵa baıkot jarııalaý tıimdi sheshim emestigi aıtylǵan. Sondaı-aq, hatta: «Mundaı deńgeıdegi jarystar kózqarastary qaıshy taraptardyń saıası dıalog ótkizýine múmkindik beredi. Sonyń ishinde fýtboldan álem chempıonatynyń mańyzy qandaı ekenin bárimiz bilemiz. Sondyqtan FIFA 2018 jyly Reseıde ótetin álem chempıonaty osy maqsatta paıdaly bolady dep sanaıdy», – delingen.
Aıta keteıik, osyǵan deıin AQSh-tyń 13 senatory FIFA prezıdenti Iozef Blatterge hat jazyp, álem chempıonatynyń Reseıde ótýine qarsylyq bildirgen. Bul AQSh saıasatkerleriniń birinshi qarsylyqtary emes. 2014 jyldyń naýryzynda senatorlar Mark Kırk pen Den Koats Reseıdiń dop dodasyn ótkizýge laıyq emesin aıtyp, Blatterge hat joldaǵan. Alaıda, ol kezde de qarsy jaýap berildi.
AQSh senatorlarynan bólek, keıbir quramalardyń jattyqtyrýshylary men belgili saıasatkerler de atalǵan máselege qatysty qarsy pikir bildirgenin aıta keteıik. Desek te, FIFA olarǵa jaýap retinde óz sheshimin ózgertpeıtinin aıtyp otyr.
Elaman Qońyr.
Derek, sýret: lenta.ru.