ASTANA. 3 sáýir. AQSh-tyń Kentýkkı shtatynda «Djeneral elektrık» (General Electric) zaýytynyń fabrıkasy órtke orandy. Tilsiz jaýmen 120 órt sóndirýshi kúresýde. Bul týraly RIA «Novostı» habarlady.
Djefferson okrýgi órt sóndirý qyzmetiniń basshysy Kevın Taılerdiń aıtýynsha, ázirge zardap shekkender joq. «О́rttiń aýmaǵy óte úlken. Sondyqtan 18 okrýgten kelgen órt sóndirýshi brıgada jumys isteýde», – deıdi ol.
О́rt shalǵan «Djeneral elektrık Eplaıans» (GE Appliance) kásiporny Lýısvıll qalasynda ornalasqan. Bul jerde negizinen turmystyq tehnıka, shamdar jáne ártúrli jaryq kózderi jasap shyǵarylady. Fabrıkada 6 myńǵa jýyq adam jumys isteıdi.
«О́rtengen ǵımaratta tez tutanǵysh jáne qýaty kúshti zattar, sondaı-aq, zııandy hımııalyq ónimder joq», – deıdi kompanııa ókili Kım Frıman. Degenmen, Lýısvıll turǵyndary qala aspanyn belgisiz hımııalyq tútinniń torlap alǵanyn aıtýda. Qazir bul másele áleýmettik jelilerde qyzý talqylanýda. Tipti keıbireýler zaýyttan shyqqan qoıý tútinniń adam ómirine asa qaýipti ekenin aıtyp, qorǵanysh betperdesin kıip júrýdi usynýda.
Elaman Qońyr.
Derek, sýret: RIA «Novostı».