Prezıdent Nursultan Nazarbaev Oralda ótken «Jastar kúshti Qazaqstan úshin» forýmynda belgili sportshylarmen jáne medıa ókilderimen birge taǵy bir «selfı» jasady. Bul týraly Tengrinews.kz tilshisi habarlady.
Forým kezinde Elbasymen birge Maııa Maneza, Serik Sápıev, Sabına Altynbekov, Nurlan Qoıanbaev «selfıge» tústi. Anyqtaı túsetinimiz, Maııa men Serik sol sátti ózderiniń telefondary arqyly qalt jibermeı, qaǵyp alýǵa umtylsa, Ilıa Ilın «selfıdi» kásibı fotoapparattyń kómegimen jasady.
«Moı gorod» portaly atap ótkendeı, Nursultan Nazarbaevqa osyndaı oımen birinshi usynys jasaǵan Ilıa boldy. Ol: «Nursultan Ábishuly, esińizde bar ma, men sizge «selfı» dep atalatyn sýretke birge túsýdi ótinip edim ǵoı. Men endi sondaı sýretti búkil elimizdiń jastary qatysýymen jasaýdy usynamyn», - dedi ol.
Memleket basshysy buǵan: «Saǵan bári ruqsat» dep jaýap qaıtardy.
Aıta keteıik, bul - Memleket basshysynyń áleýmettik jelide jarııalanyp otyrǵan úshinshi «selfıi».
Budan on aıǵa jýyq ýaqyt buryn Aqorda baspasóz qyzmetiniń resmı Instagram jelisinde Nursultan Nazarbaevtyń Malaızııa premer-mınıstri Nadjıb Týn Razakpen (ortadaǵy sýret) «selfıi» jarııalanǵan bolatyn.