QARAǴANDY. 19 qazan. Astana qalasynda Qazaqstan Respýblıkasynyń Mádenıet jáne sport mınıstrligi men Qaraǵandy oblysynyń ákimdigi dinı salada turaqtylyqty qamtamasyz etý jónindegi yntymaqtastyq týraly memorandýmǵa qol qoıdy. Bul týraly oblys ákiminiń baspasóz qyzmeti habarlady.
Memorandým dinı salada turaqtylyqty qamtamasyz etý jáne eldiń damýyndaǵy zaıyrly ustanymdardy ilgeriletý boıynsha ortalyq jáne jergilikti atqarýshy organdardyń is-qımylyn biriktirýge baǵyttalǵan. Qujatta oblys ákimdigine ádistemelik kómek kórsetý, radıkaldyq dinı aǵymdardaǵy adamdar arasynda maqsatty aldyn alý jáne saýyqtyrý jumystaryn júrgizý jáne Úkimet pen ákimdikter janyndaǵy dinı birlestiktermen baılanys keńesteri jumysynyń tıimdiligin arttyrýǵa aıryqsha kóńil bólingen.
Memorandýmǵa Mádenıet jáne sport mınıstri Arystanbek Muhamedıuly jáne Qaraǵandy oblysynyń ákimi Nurmuhambet Ábdibekov qol qoıdy.
Qaırat Ábildınov.
Derek, sýret: Qaraǵandy oblys ákiminiń baspasóz qyzmeti.