AQTО́BE. 20 qazan. Aqtóbe oblysy Qandyaǵash aýdanynda jergilikti ónimderdiń qataryn «DARINA AQUA» aýyz sýy tolyqtyrdy. Osyndaı ataýly aýyz sýdy jeke kásipker Qýandyq Tólegenov shyǵarady. Bul týraly egemen.kz tilshisi habarlady.
Jaqynda ashylǵan kásiporynda sertıfıkattalǵan aýyz sý zamanaýı tehnologııamen óndiriledi. Qandyaǵash qalasynda ornalasqan osy sehta qazir 24 adam eńbek etedi. Tabıǵı taza aýyz sý uńǵyma arqyly tereńdigi 200 metr jerden alynady.
О́ndirilgen ónim arnaıy sertıfıkattalǵan belgisi bar qutylarǵa quıylady. Túrli syıymdylyqtaǵy qutylardy kásipkerler ózderi daıyndaıdy. Bul joba 2013 jyly qolǵa alynyp, ústimizdegi jylǵy qyrkúıek aıynan bastap jergilikti naryqqa alǵashqy ónimderin shyǵara bastady. Otandyq ónim aldaǵy ýaqytta Keden odaǵy elderine de eksportqa shyǵarylmaq. Jospar boıynsha kompanııa aıyna 96 myń quty tabıǵı aýyz sý daıyndaıdy.
Satybaldy Sáýirbaı.
Derek, sýret: egemen.kz.