Qazaqstan Respýblıkasy Týrızm jáne sport mınıstriniń buıryǵy №01-01-07/66

2010 jylǵy 21 sáýir Astana qalasy. Dene shynyqtyrý jáne sport azamattyq qyzmetshilerine eńbek jaǵdaılary úshin qosymsha aqylardy tóleý erejesin bekitý týraly “Azamattyq qyzmetshilerge, memlekettik bıýd­jet qarajaty esebinen ustalatyn uıymdardyń qyz­metkerlerine, qazynalyq kásiporyndardyń qyzmet­kerlerine eńbekaqy tóleý júıesi týraly” Qazaqstan Respýblıkasy Úkimetiniń 2007 jylǵy 29 jeltoq­sandaǵy №1400 qaýlysyna sáıkes buıyramyn: 1. Qosa berilip otyrǵan Dene shynyqtyrý já­ne sport azamattyq qyzmetshilerine eńbek jaǵdaıla­ry úshin qosymsha aqylardy tóleý erejesi bekit­ilsin. 2. Týrızmdi, sportty damytý jáne halyq­aralyq yntymaqtastyq departamenti (D.Ú.Qam-zebaeva) osy buıryqty zańnamada belgilengen tár­tip­pen memlekettik tirkeýge Qazaqstan Respýb­lıkasy Ádilet mınıstrligine usynsyn. 3. Ákimshilik jumys departamenti (Á.H. Pirmetov) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, onyń buqaralyq aqparat quraldarynda resmı jarııalanýyn qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasynyń Týrızm jáne sport vıse-mınıstri T.A. Ermegııaevke júktelsin. 5. Osy buıryq alǵashqy resmı jarııalanǵa­nynan keıin kúntizbelik on kún ótken soń qoldanysqa engiziledi. Mınıstrdiń mindetin atqarýshy T.ERMEGIIаEV. _______________________________________________ Qazaqstan Respýblıkasynyń Týrızm jáne sport mınıstriniń mindetin atqarýshynyń 2010 jylǵy 21 sáýirdegi № 01-01-07/66 buıryǵymen bekitildi Dene shynyqtyrý jáne sport azamattyq qyzmetshilerine eńbek jaǵdaılary úshin qosymsha aqylardy tóleý erejesi 1. Jalpy erejeler 1. Osy Ereje “Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly” Qazaqstan Respýblıkasy Úkimetiniń 2007 jylǵy 29 jeltoqsandaǵy №1400 qaýlysyna sáıkes ázirlendi. 2. Eńbekaqysyn esepteý úshin qosymsha aqylardyń mynadaı túrleri belgilengen: 1) joǵary sapaly oqý-jattyǵý prosesin tikeleı qamtamasyz etkeni úshin qosymsha aqy; 2) sporttyq jarystardyń chempıondaryn jáne júldegerlerin daıyndaǵany úshin qosymsha aqy; 3) kásibı (pedagogıkalyq) sheberligi úshin qosymsha aqy. 3. Joǵary sapaly oqý-jattyǵý prosesin tikeleı qamtamasyz etkeni úshin jáne sporttyq jarystardyń chempıondary men júldegerlerin daıyndaǵany úshin qosymsha aqy uıymnyń kontın­gentine alynǵan sportshylardyń óner kórsetýi qorytyndysy boıynsha jarystar hattamalarynyń negizinde jınaqtalady. Eger sportshy bir jyldyń ishinde jarystar­da birneshe joǵary sporttyq nátıjeler kórsetse, qosymsha aqy tóleý eń joǵary kórsetkishtiń bireýi boıynsha paıyzben eseptelip júrgiziledi. 4. Joǵary sapaly oqý-jattyǵý prosesin tikeleı qamtamasyz etkeni úshin jáne sporttyq jarystardyń chempıondary men júldegerlerin daıyndaǵany úshin qosymsha aqy árbir qyzmet­kerdiń júkteme kólemine jáne tıisti jylǵa arnal­ǵan eńbekaqy qoryna qaraı, bıýdjettik baǵdar­lamanyń ákimshisi bekitken paıyz kórsetkishine sáıkes jyl qorytyndysy boıynsha belgilenedi. 5. Kásibı (pedagogıkalyq) sheberligi úshin qosymsha aqyny: respýblıkalyq mańyzy bar sporttyq uıym­dardyń basshylaryna jáne orynbasarlaryna – dene shynyqtyrý jáne sport jónindegi ýákiletti organ; memlekettik jattyqtyrýshylarǵa, bas jattyqtyrýshylarǵa, aǵa jattyqtyrýshylarǵa jáne sport túrleri boıynsha jattyqtyrýshylarǵa – uıym basshysynyń buıryǵymen bekitiledi. 2. Joǵary sapaly oqý-jattyǵý prosesin  tikeleı qamtamasyz etkeni úshin qosymsha aqy tóleý 6. Alynǵan nátıjeniń paıyzǵa shaqqandaǵy jalpy mólsherin jarystardyń usynylǵan hattamalarynyń negizinde dene shynyqtyrý jáne sport jónindegi ýákiletti organ bekitedi jáne sportshynyń kórsetkishke qol jetkizgen kúninen bastap dál sondaı jarys ótkizgenge deıingi kezeń ishinde (1,2 nemese 4 jyl) qoldanysta bolady. 7. Qosymsha aqyny tóleý mynadaı tártipte júrgiziledi: basshyǵa – qosymsha aqy somasynan 100%-ǵa deıin; basshynyń orynbasaryna – qosymsha aqy somasynan 90%-ǵa deıin; basshyǵa (bólimshe, bólim basshysy, komanda menedjeri, aǵa jattyqtyrýshy, aǵa ádisker, ádisker, nusqaýshy) – qosymsha aqy somasynan 80%-ǵa deıin; psıhologqa, tárbıeshige – qosymsha aqy somasynan 80%-ǵa deıin; horeografqa, akkompanıatorǵa – qosymsha aqy somasynan 80%-ǵa deıin; býhgalterge – qosymsha aqy somasynan 80%-ǵa deıin; dárigerge, medbıkege, massaj jasaýshyǵa, laborantqa, ǵylymı qyzmetkerge – qosymsha aqy somasynan 70%-ǵa deıin; sport ǵımaratynyń meńgerýshisine – qosymsha aqy somasynan 70%-ǵa deıin; zootehnıkke, mal dárigerine, laborantqa, at baǵýshyǵa, saımanshyǵa, atshyǵa – qosymsha aqy somasynan 50%-ǵa deıin; ınjenerge, operatorǵa, tehnıkke, mehanıkke, myltyqshyǵa – qosymsha aqy somasynan 50%-ǵa deıin; ashana meńgerýshisine, aspazǵa, ashana jumysshysyna, dıeta bıkeshine – qosymsha aqy somasynan 50%-ǵa deıin; sport ǵımarattaryn sypyrýshyǵa, sporttyq komandany tasymaldaýshy avtobýs, mıkroavtobýs júrgizýshisine – qosymsha aqy somasynan 50%-ǵa deıin. 3. Sporttyq jarystardyń chempıondaryn jáne júldegerlerin daıyndaǵany úshin qosymsha aqy tóleý 8. Alynǵan nátıjeniń paıyzǵa shaqqandaǵy jalpy mólsheri árbir jattyqtyrýshynyń júkteme kólemine jáne tıisti jylǵa arnalǵan eńbek aqy qoryna qaraı, jyl qorytyndysy boıynsha sport uıymynyń basshysynyń buıryǵymen bekitiledi. Qosymsha aqy belgili bir sport túrinen bólimshege alynǵan jáne sporttyń basqa túrinen qatysqan sportshy úshin tólenbeıdi. 9. Qosymsha aqy balalar men jasóspirim­derdiń sport mektepterinen jáne balalar men jasóspirimderdiń mamandandyrylǵan olım­pıadalyq rezerv mektepterinen sporttyq sheberligin joǵary­latý úshin sportta daryndy balalarǵa arnalǵan mektep-ınternattarǵa, joǵary sport sheberligi mektepterine jáne respýblıkalyq sport kolledjine berilgen sportshylardy daıarlaǵan jattyqtyrý­shylarǵa bir kúntizbelik jyl boıynda beriledi. 10. Qosymsha aqy jattyqtyrýshylarǵa bala­lar men jasóspirimderdiń sport mektepterinen jáne balalar men jasóspirimderdiń maman-dandyrylǵan olımpıadalyq rezerv mektepterinen berilgen sportshylar úshin sportta daryndy balalarǵa ar­nal­ǵan mektep-ınternattyń, joǵary sport sheber­ligi mektebiniń jáne respýblıkalyq sport kolledjiniń kontıngentine alynǵan kúnnen bastap bir jyl aıaqtalǵan soń júrgiziledi. 4. Kásibı (pedagogıkalyq) sheberligi úshin  qosymsha aqy tóleý 11. Qosymsha aqyny tóleý myna mólsherlerde júrgiziledi: ulttyq shtattyq komandalar jáne sport rezervi dıreksııasynyń basshysyna jáne orynba-saryna – laýazymdyq jalaqydan 115%-ǵa deıin; joǵary sport sheberligi mektebiniń basshysyna jáne orynbasaryna – laýazymdyq jalaqydan 110%-ǵa deıin; olımpıadalyq daıarlyq ortalyǵynyń basshysyna jáne orynbasaryna – laýazymdyq jalaqydan 100%-ǵa deıin; sportta daryndy balalarǵa arnalǵan mektep-ınternattardyń basshysyna jáne orynbasaryna – laýazymdyq jalaqydan 95%-ǵa deıin; Respýblıkalyq sport kolledjiniń basshysyna jáne orynbasaryna –laýazymdyq jalaqydan 90%-ǵa deıin olımpıadalyq sport túrlerinen memlekettik jattyqtyrýshyǵa – laýazymdyq jalaqydan 105%-ǵa deıin; olımpıadalyq emes sport túrlerinen mem­lekettik jattyqtyrýshyǵa – laýazymdy jalaqydan 80%-ǵa deıin; olımpıadalyq sport túrlerinen bas jattyqtyrýshyǵa – laýazymdyq jalaqydan 105%-ǵa deıin; olımpıadalyq emes sport túrlerinen bas jattyqtyrýshyǵa – laýazymdyq jalaqydan 70%-ǵa deıin; olımpıadalyq sport túrlerinen aǵa jattyq­tyrýshyǵa – laýazymdyq jalaqydan 95%-ǵa deıin; olımpıadalyq emes sport túrlerinen aǵa jattyqtyrýshyǵa – laýazymdyq jalaqydan 60%-ǵa deıin; olımpıadalyq sport túrlerinen jattyqty­rýshyǵa – laýazymdyq jalaqydan 90%-ǵa deıin; olımpıadalyq emes sport túrlerinen jattyq­tyrýshyǵa (tehnıkalyq sport túrlerinen basqa) – laýazymdyq jalaqydan 70%-ǵa deıin; tehnıkalyq sport túrlerinen jattyqty-rýshyǵa – laýazymdyq jalaqydan 55%-ǵa deıin. __________________________________________________________________________ Buıryq Qazaqstan Respýblıkasy Ádilet mınıstrliginde 2010 jylǵy 25 mamyrda Normatıvtik quqyqtyq kesimderdi memlekettik tirkeýdiń tizilimine №6245 bolyp engizildi.