О́lke: Derek pen dáıek

Oblystyq statıstıka depar­ta­mentinen túsken málimetke qa­ra­ǵanda, bıylǵy alty aıda 638 ja­ńa ǵımarat paıdalanýǵa be­ril­se, sonyń 520-sy turǵyn úıler. Birinshi jartyjyldyqta tur­ǵyn úı qurylysyna 3,5 mlrd. teńge jumsaldy. Jalpy kólemi 76,1 myń sharshy metr turǵyn úı berilip, ótken jylǵydan 36,1 paı­yzǵa asyp tústi. Jergilikti bıýd­jet qarjysyna 20,5 myń shar­shy metr, turǵyndar esebinen 55,6 myń shar­shy metr turǵyn úı boı kóterdi. Sondaı-aq jyl basynan beri tórt densaýlyq saqtaý nysany salyndy.

Temir QUSAIYN, Oral.

79300, 152800 jáne 76800 Oblysta ótken jyly, sáıkesinshe, osynsha adam teatrlarda, murajaılarda, demalys baqtarynda boldy. Kókshetaýda qazaq jáne orys drama teatrlary bar. Shyǵar­ma­shylyq ujymdar kórermenge 499 qoıylym usyndy. Onyń ishinde gastroldik spektaklder 15,6 paıyzdy quraıdy. Jyl ishinde 21 jańa qoıylym kórsetilip, oǵan 79300 kórermen qatysty. Bul 2008 jylǵydan 14,3 paıyzǵa kóp. Oblysta 13 murajaı jumys is­tese, sonyń tórteýi aýyldyq jerde ornalasqan. Kelýshilerdiń sany 152800 adamǵa jetti. Onyń 86,8 myńy balalar. Murajaılar qory 121,1 myń birlikti quraıdy. Tárbıe oshaqtarynda 3613 eks­kýr­sııa uı­ym­dastyrylyp, 348 leksııa oqylǵan. Kókshetaýdaǵy demalys baǵy­nyń aýmaǵy 0,3 gektarǵa teń. Sta­tıstıkalyq derekter boıynsha, onda 76,8 myń adam óz dema­ly­syn ótkizgen. Munyń 84,6 paıy­zy balalar.

Baqbergen AMALBEK, Aqmola oblysy.

439 000 000 Bıyl ólkedegi tabıǵat qorǵaý is-sharalaryna osynshama qarjy bólindi. “Jer jánnaty – Jetisý” dep, ásem tabıǵaty erekshe ás­pettelgen ólkeniń móldir sýy men jasyl shalǵynyn, túgin tartsa, maıy shyǵatyn jerin keleshek urpaqqa jetkizý paryz. Sondyq­tan da tabıǵattyń osy ásemdigin boı­tumar etýmen qatar, ekolo­gııalyq máselelerdi halyqtyń ómir súrý deńgeıine qaraı jaq­sar­týǵa kóńil bólinip, elimizdegi 2007-2014 jyldarǵa arnalǵan sa­lany turaqty damytý tujyrym­da­masyna sáıkes óristetilgen jumys nátıjeli deýge bolady. Qoldanylǵan keshendi shara­lar barysynda ólkeniń ekolo­gııa­lyq jaǵdaıyn qalpynda saqtaýǵa yqpal etip, “Jasyl el” oblys­tyq shtaby, stýdent-ekologtar men qoǵamdyq uıymdar arasyn­daǵy baılanys nyǵaıa túsken. Sondaı-aq tıimdi ekologııalyq taza tehnolo­gııalarǵa kóshý men emıssııany tómendetýge ótken jyly bıýdjet­ten 473 mln. teńge qaralyp, ol tolyq ıgerildi. Bıylǵy jyly tabıǵat qorǵaý is-sharalaryna 439 mln. teńge bó­linip, saladaǵy túı­indi máse­le­lerdi qalpyna keltirýge jumsa­la­tyn boldy.

Kúmisjan BAIJAN, Almaty oblysy.