Sport kesheni – Astana kúnine syılyq

Bárekeldi!

Jastardyń bylǵary qolǵap kıip, bokspen jattyǵýlaryna ar­nalǵan oblys ortalyǵynan arnaıy oryn ashý týraly usynys oblys ákimi Baqytjan Saǵyntaevtyń bastamasy boldy. Sporttyń osy túrimen aınalysatyndar úshin, árıne, barlyq qural-jabdyqtary, jattyǵý zaly, basqa da qajetti ból­meleri bar shaǵyn keshenniń ashyl­ǵany qýanyshty jáıt. Al, sport­tyń jastar jaqsy kóretin osy túriniń oblys boıynsha damýyna úlesterin qosyp, demeýshilik jasap boks zalyn paıdalanýǵa bergen Dan­baı Shýhrat basqaratyn “Pav­lo­dar munaı-hımııa zaýyty” aksıo­nerlik qoǵamy. Boks zalynyń ashylý qurmetine Beıjiń Olım­pıadasynyń chempıony Baqyt Sársekbaev kelip qatysty. Boksshy óziniń sporttaǵy je­ńis­ke jetý joly osyndaı shaǵyn boks zaldarynan bastalǵanyn esine aldy. Aıtpaqshy, paıdalanýǵa beri­lip otyrǵan boks zaly qurylysy keler jyly tolyq aıaqtalatyn sport kesheniniń bir bóligi ǵana bolyp tabylady. Zaýyt basshylyǵy eki boks alańy, 50 oryndy kórer­men zaly, 20 sportshyǵa arnalǵan qonaq úı bólmeleri bar sporttyq keshendi bir jyldan soń iske qos­paq­shy. Iаǵnı, oblys ortalyǵynda ótetin túrli jarystardy osy jańa keshende ótkize berýge bolady, ári bylǵary qolǵap kıip alyp kúshterin synaýdy jaqsy kóretin jastar qatary da kóbeıeri sózsiz. Keshen zaýyttyń keler jyly atalyp ótetin Astananyń týǵan kúnine arnaıtyn syılyǵy bolmaq­shy. Endi biraz ýaqyttan soń oblys ortalyǵynda jarqyraǵan jańa tennıs kesheni de boı kóteredi. Elbasy bıylǵy Joldaýynda 2020 jylǵa deıin halqymyzdyń 30 pa­ıyzy dene shynyqtyrý jáne sport­pen aınalysýlary qajet degen bolatyn. Olaı bolsa, osyn­daı jańa keshenderdiń ashylýy jurt­shy­lyqty otbasymen birge sala­matty ómir saltyn qalyp­tas­tyrýǵa, densaýlyqtaryn shyńdaýǵa tartatyny anyq. Farıda BYQAI. PAVLODAR.