Keshe Qazaqstan Respýblıkasynyń Premer-Mınıstri Kárim Másimov Irkýtsk qalasynda ashylǵan 6-shy Baıkal ekonomıkalyq forýmynyń jumysyna qatysty, dep habarlady Premer-Mınıstrdiń baspasóz qyzmeti.
Qazaqstan men Reseı arasynda kóptegen ekonomıkalyq baǵyttar men jobalar boıynsha burynnan qalyptasqan jáne tıimdi ózara baılanystar jolǵa qoıylǵan, dep atap ótti K.Másimov plenarlyq otyrystyń ashylýynda sóılegen sózinde. Reseı Federasııasynyń Prezıdenti Dmıtrıı Anatolevıch Medvedevtiń búgin resmı saparmen óńiraralyq yntymaqtastyq forýmy ótip jatqan Qazaqstanda bolyp, Qazaqstan Respýblıkasynyń Prezıdenti Nursultan Ábishuly Nazarbaevpen birge ekijaqty qyzmettestiktiń naqtyly da praktıkalyq máselelerin talqylaýynyń ózi nyshandyq sıpatqa ıe, dep atap kórsetti K.Másimov.
Baıkal ekonomıkalyq forýmy sheńberinde Qazaqstan Úkimetiniń basshysy K.Másimov RF Federasııa Keńesi Federaldyq jınalysynyń Tóraǵasy Sergeı Mıronovpen kezdesti.
Sol sııaqty K.Másimov Angarsk elektrolızdi hımııa zaýytynda bolyp, “Rosatom” atom energetıkasy jónindegi memlekettik korporasııanyń bas dırektory Sergeı Kırıenkomen jáne “AEHK” AAQ-tyń bas dırektory Aleksandr Beloýsovpen kezdesti.