Jetisýda jarysa boı kótergen qurylys nysandary meshin jyly da jalǵasyn tabady. Sonyń biregeıi Taldyqorǵanda salynatyn Almaty oblystyq drama teatry bolyp sanalady. Qurylys nysanynyń jalpy aýmaǵy 10513,40 sharshy metr bolatyndyǵy, onda 3 qabatty ǵımarat boı kóteretindigi josparlanǵan. Kórgen jannyń kózin toıdyratyn ǵımarattyń syrt kelbeti ásemdigimen qala sánin kórkeıte tússe, ishine 510 adam syıyp naǵyz óner ordasyna aınalary haq. О́ńir basshysynyń bul mańyzdy máseleni aldyn ala keńinen oılastyrǵandyǵy sol, búginde drama teatrdyń qurylys jumystaryn júrgizý úshin ekonomıkalyq-tehnıkalyq negizdegi keshendi saraptamanyń qorytyndysy da shyqty. Jobany talqylap, qaraý úshin memlekettik satyp alý júrgizýge konkýrstyq qujattar daıyndalýda. Bul degenimiz, belgilengen ýaqytta qurylys jumysyn júrgizetin qurylys kompanııasyn anyqtap, zańnama sheńberinde drama teatr qurylysyn eshqandaı kedergisiz bastaýǵa ashylǵan jol bolyp sanalady. Sóıtip, Taldyqorǵannyń batysynda boı kóteretin drama teatry jańa shaǵyn aýdanda jarysa salynyp, sap túzegen qurylys nysandarymen qanattasa qalany túrlendire túsetinine kámil senim bar.
Nurbol ÁLDIBAEV,
«Egemen Qazaqstan».
TALDYQORǴAN.