ASTANA. 1 qańtar. Ulybrıtanııanyń Anglsı aralynda ornalasqan Wylfa atom reaktory óz jumysyn toqtatty. Bul týraly TASS aqparat agenttigine silteme jasaǵan egemen.kz tilshisi habarlady.
45 jyl jumys istegen óndiris ornynyń jabylǵany týraly alǵash ret keshenniń operatory bolǵan Magnox kompanııasy málimdedi. «Ýılfa» atom elektr stansasy jabyldy. Bul degenimiz Magnox korparasııasynyń tarıhy osymen aıaqtaldy degendi bildiredi», – dedi mekeme ókili.
Qýattylyǵy 490 MVt bolatyn Wylfa 1 reaktory 1971 jyldan beri Wylfa 2-men birge qyzmet etti. Alaıda, ekinshi nómirli keshen 2012 jyly jabylǵan bolatyn. Wylfa 1 AES-i ótken jyldyń qyrkúıek aıynda qyzmetin toqtatady degen sheshim qabyldanǵanymen, elektr qýatynyń óndirisi úshin osy jyldyń sońyna deıin uzartyldy.
Aıan Ábdýálı.
Derek: TASS.
Sýret: atomenergiainfo.hu.