ASTANA. 1 qańtar. Jańa jylǵa birneshe saǵat qalǵanda Birikken Arab Ámirliginiń Dýbaı qalasyndaǵy Address Downtown atty kók tiregen záýlim ǵımaratta órt shyqty. Nysanda qaladaǵy belgili qonaq úılerdiń biri The Adress Hotel ornalasqan. Bul týraly RIA «Novostı» aqparat portalyna silteme jasaǵan egemen.kz tilshisi habarlady.
Tótenshe jaǵdaı ǵımarattyń 20-qabatynda bolǵan. Az ýaqyttyń ishinde qyzyl jalyn aıtarlyqtaı aýmaqty qamtyp úlgerdi. Abyroı bolǵanda, der kezinde jetken arnaıy mamandar órt shalǵan aýmaqtyń 90 paıyzyn zararsyzdandyrdy.
Dýbaı qalasy bıliginiń málimdeýinshe adam shyǵyny joq. Tek tilsiz jaý saldarynan 14 adam jeńil jaraqat alǵan. Sondaı-aq, shahar basshylyǵy osy jaǵdaıǵa baılanysty daıyndalǵan qaladaǵy merekelik baǵdarlamalardyń ózgermeıtinin aıtty.
Aıta keteıik, Address Downtown ǵımaraty álemdegi eń bıik nysan – Burj Khalifa keshenine jaqyn ornalasqan. О́rt kezinde ǵımarattaǵylardyń basym kópshiligi sheteldik týrıster bolǵanyn da erekshe atap ótken jón.
Qazirgi tańda apattyń shyǵý sebepteri anyqtalýda.
Elaman Qońyr.
Derek: RIA «Novostı».
Sýret: 1news.az.