Avstralııada budan alty jyl buryn joǵalyp ketken Sheıla degen laqap aty bar qoshqardyń ústinen qyrqylǵan júnniń salmaǵy 20 kılodan asyp tústi. Qańǵybas qoshqar kútpegen jerden Tasmanııa aralyndaǵy Hobart qalasy mańyndaǵy ormannan tabylǵan. Ony jergilikti turǵyn Pıter Djons jol jıeginen kórgen boıda toqtap, kóligine salyp alǵan. Ol júniniń qalyńdyǵy men aýyrlyǵynan ornynan tura almaı qalǵan janýardy osylaısha aman alyp qalypty. «Ol maǵan qarap ıshara jasady. Men onyń tiri ekenin sodan bildim. Sosyn ornynan óz aıaǵymen turǵyzýǵa áreket jasadym», deıdi P.Djons. Úıge ákelip qyryqqanda, Sheılanyń ústinen 21 kılodan artyq jún alynǵan. Alaıda, munyń ózi Avstralııanyń bul jónindegi rekordyna ózgeris engize almapty. Munda ótken jyly Krıs degen erkek qoıdan 40 kılodan astam jún qyrqylypty. Budan bólek, bul qurlyqta taǵy bir qoıdan 25 kılo jún alynǵan eken. Murat AITQOJA.