Arman oryndalar amaldar

Memleket basshysy Nursultan Nazarbaevtyń «100 naqty qadam» – Ult Josparynda ishki ister organ­daryna mańyzdy jaýapkershilik artylyp otyr. Sonyń naqty aı­ǵa­ǵyndaı, aǵymdaǵy jyldyń 1 qań­tarynan bastap «5 ınstıtýttyq reformany júzege asyrý boıynsha 100 naqty qadam» – Ult Josparyn oryndaýdyń praktıkalyq kezeńi bas­taldy. Memleketti, ekonomıka men qoǵamdy damytý úshin qaǵıdatty jańa quqyqtyq orta qalyptastyratyn 59 zań kúshine endi. Bul oraıda, Elbasynyń «Ult Jospary – qazaqstandyq ar­manǵa bastaıtyn jol» atty maqa­lasyndaǵy ekinshi reformaǵa quqyq tártibi jáne zańdylyq má­seleler enip otyr. Onda «Biz­ge barlyq quqyq qorǵaý or­gan­­­da­rynyń jáne bárinen buryn polısııanyń adamdardyń múd­desi men quqyqtyq tártipti ny­ǵaıtý qyzmetinde tu­rýyna qol jetkizýimiz qajet. Bul úshin jer­­gilikti bılik organdary men jergilikti qoǵamdastyqtarǵa esep beretin jergilikti polısııa qyz­meti qurylady. Jergilikti polı­sııa qyzmetiniń qaraýyna qoǵamdyq tártip kúzeti, turmystyq qylmysqa qarsy turý, jol qaýip­sizdigin qamtamasyz etý men usaq quqyq buzýshylyqtarǵa atymen tózbeýshilik máseleleri berilip otyr», delingen. Biz bul mindetterdi oryndaýǵa bir kisideı jumyla kirisip kettik. Barshaǵa málim, Ult Josparynda­ǵy 30-qadamda jergilikti atqarýshy organdar men halyqqa esep beretin jergilikti polısııa qyzmetin qurý qajettiligi atalǵan edi. Sondyqtan, bul oraıda qaıtadan qurylǵan qyzmetterdiń quziretine, eń aldymen, quqyq buzýshylyqtardyń aldyn alý, qoǵamdyq tártip pen qaýipsizdikti qamtamasyz etý máse­leleri júkteldi. Jergilikti polısııa qurylymyna ýchaskelik polısııa ınspektorlary, jol-patrýldik polısııasy men basqa da bólinister kiredi. Olar, bir sóz­ben aıtqanda, halyqpen kún­delikti tyǵyz baılanystaǵy qyz­metkerler. Mundaǵy túpki maqsat – polısııa qyzmetin ashyq ári ádil etý bolsa, bir jaǵynan jergilikti jurtshylyqty quqyq qorǵaý qyz­metine tarta otyryp, sol aýdan men kentte týyndaǵan kúrdeli máselelerdi birigip sheshý bolyp tabylady. Halyqpen bastapqy jáne baılanystyrýshy býyn – ýchaskelik polısııa ınspektorlary Jospardyń 30-qadamyn iske asyrýǵa zor yntamen kiristi. Halyqqa esep berý kezdesýlerin ótkizip, azamattarǵa áleýmettik-turmystyq máseleler boıynsha quqyqtyq kómek kór­setýde. Ýchaskelik polısııa ıns­pek­torynyń halyqpen etene baılanysýy onyń jumysynyń nátıjesine oń áserin tıgizedi jáne halyqtyń polısııaǵa degen kózqarasyn qa­lyptastyrady. Osyny eskere oty­­ryp, ýchaskelik ınspektorlardy tańdaý tájirıbesi engiziledi já­ne daýys berý tásilimen atalǵan ýchaskelik polısııany halyqtyń ózi tańdaıdy. Osy rette qoǵamdyq ınstıtýt­tardyń róli aıtarlyqtaı. Bizde polısııa qyzmetine baqylaý jasaıtyn Qoǵamdyq keńes jumys isteıdi, al onyń quramyna Parlament jáne qalalyq máslıhat depýtattary, kórnekti qoǵam qaıratkerleri, BAQ ókilderi kiredi. Bul jumys qazirgi ýaqytta Ult Josparynyń 31-qadamyna sáıkes júrgizilýde. Aqparattyq resýrstardyń ozyq múmkindikterin, ásirese, ǵalamtor jelisin eskere otyryp, elordalyq IID blogy qurylyp, ol qoǵammen jandy qarym-qatynas tásiliniń birine aınaldy. Osy rette azamat­tar tarapynan kún saıyn túsip jatqan quqyq buzýshylyqtar týraly habarlamalardy aıta ketýge bolady. Barlyq habarlamalar mindetti túrde qaralyp, ýaqtyly jaýap beriledi. Keri baılanysty kúsheıtý úshin departamenttiń barlyq bó­lim­shelerinde «senim telefondary» jumys isteıdi. Apta saıyn IID jáne aýdandyq IIB jetekshileri «Nur Otan» partııasynyń fılıalynda azamattardy qabyldaıdy. Qalalyq bılikpen tyǵyz qarym-qatynas ornatylǵan. 2050 jyly elordanyń álemniń eń úzdik on qala­synyń qataryna qosylý tu­­jyrymdamasyn esepke ala otyryp, elordalyq ákim­dikpen al­dyńǵy qatarly, zamanaýı tehnologııalar engizilýde. Eń birinshi – bul keń kólemdi joba, ıaǵnı «Tir­shilik qareketin keshendi qam­­­tamasyz etý júıesin» engizý halyqqa qyzmet kórsetetin qala­lyq qyzmet jumysyn birshama jeńildetedi. Bul – saýda, oıyn-saýyq ortalyqtarynda, áleýmettik nysandar, mektep, qoǵamdyq kó­lik jáne halyqtyń kóp jına­latyn oryndaryna kóptegen beı­ne­baqylaý kameralaryn ornatý. Olardyń qataryna ıntellektýaldy kólik júıesi jáne avtomatty rejimde adamnyń qatysýynsyz av­to­­kólik legin basqara alatyn «aqyl­dy» baǵdarshamdardy qosýǵa bolady. Elordalyq polıseıler tıimdi beınetirkegishterdi qoldanysqa engizdi. Beınetirkegishter quqyq buzýshylyqty tek tirkep qana qoımaı, sybaılas jemqorlyq kó­ri­nisterine qarsy turady. Qazirgi kúni Astanada barlyq jol-pat­rýldik polısııa qyzmetkerleri tolyq­taı beınetirkegishtermen qam­tyldy. Olardan bólek, beı­net­irkegishtermen ýchaskelik ıns­pektorlar, ıývenaldy polısııa jáne jedel-tergeý toptary men qyzmettik arnaıy avtokólik jab­dyqtalýda. Bizdiń departamentke EKSPO-2017 halyqaralyq kórmesine daıyndyq kezinde jáne sharany abyroımen ótkizýde qala turǵyndary men qo­naqtardyń qaýipsizdigin saqtaý, sondaı-aq, qylmystyń jáne quqyq buzý­shylyqtyń aldyn alýda úlken mindet júkteledi. Bul oraıda, polıseılerge shet tilderdi oqytýdy jalǵastyryp kelemiz. Búgingi kúni elordalyq polısııanyń 200 qyzmetkeri aǵyl­shyn tili kýrstaryn támamdap, ser­tıfıkattaryn aldy. Bul shetel azamattarynyń habarlamalaryna jedel áreket etýge jáne elorda­lyq polısııanyń oń ımıdjin qalyp­tastyrady. Sonymen qa­tar, osyn­­­daı sıpattaǵy halyq­ara­lyq kórmelerin júrgizgen shetel­derdiń ońtaıly tájirıbeleri talqylanýda. Astana qalasy IID basshylyǵy men jeke quramy Ult Josparyn iske asyrý boıynsha budan ári de bar amaldardy qolǵa alyp, jalpy halyqtyń polısııaǵa senimin arttyryp, jumysty jandandyra túserine senim mol. Amantaı ÁÝBÁKIROV, Astana qalasy ishki ister departamentiniń bastyǵy, polısııa general-maıory.