QYZYLORDA. 11 qańtar. Qyzylorda qalasynda qańtar aıynyń 9-nan 10-na qaraǵan túni qylmystardyń aldyn alý, boldyrmaý, krımınogendik ahýaldy saýyqtyrý, qoǵamdyq tynyshtyqty jáne jol qozǵalysy qaýipsizdigin qamtamasyz etý, múldem tózbeýshilik qaǵıdaty boıynsha quqyq buzýshylyqtardy anyqtaý maqsatynda jergilikti polısııa qyzmetiniń uıymdastyrýymen «túngi qala» jedel profılaktıkalyq is-sharasy ótkizildi. Bul týraly egemen.kz tilshisi habarlady.
Is-shara barysynda barlyǵy 161 ákimshilik quqyq buzýshylyq anyqtaldy. Atap aıtqanda, múldem tózbeýshilik qaǵıdaty boıynsha barlyǵy 72 quqyq buzýshylyq tirkelse, onyń ishinde, belgilenbegen oryndarda saýda jasaý deregi boıynsha – 4 (204-bap), alkogoldik ishimdikterdi ishý nemese qoǵamdyq oryndarǵa masań kúıde kelý deregi boıynsha – 24 (440-bap), tynyshtyqty buzý deregi boıynsha – 16 (437-bap), qoǵamdyq orynda temeki shegý deregi boıynsha – 7 (441-bap), kámeletke tolmaǵandardyń túngi ýaqytta júrý deregi boıynsha – 15 (442-bap, 2-tarmaq), usaq buzaqylyq deregi boıynsha – 8 (434- bap), abattandyrý qaǵıdalaryn buzý deregi boıynsha 8 (505-bap) quqyq buzýshylyqtar anyqtaldy.
Jol-patrýldik polısııa rotasynyń qyzmetkerlerimen jol qozǵalysy qaýipsizdigin buzýdyń 89 deregi anyqtaldy. Onyń ishinde, kólik quralyn qujatsyz basqarýdyń – 16 (612-bap) deregi, kólik quralynyń terezelerin qarańǵylatýdyń – 3 (590-bap, 5-tarmaq), qaýipsizdik beldigin taqpaı basqarýdyń –16 (593-bap, 1-tarmaq), manevr jasaý qaǵıdalaryn buzýdyń – 5 (595-bap, 1-tarmaq), belgilengen júrý jyldamdyǵyn shekten tys asyrýdyń – 1 (592-bap, 1-tarmaq), kólik quralyn ishimdik iship basqarýdyń 1 (608-bap) deregi tirkeldi.
Sonymen qatar, shara barysynda aıyp alańyna barlyǵy 30 avtokólik jetkizildi. Onyń ishinde qujatsyz basqarǵany úshin – 19, memlekettik belgisi joq kólikti basqarǵany úshin – 1, kólik quralyn ishimdik iship basqarǵany úshin – 1, jol-kólik oqıǵasyn jasaǵany úshin – 2, sot qaýlysymen 7 avtokólik qoıyldy.
Atalǵan is-shara aldaǵy ýaqytta ár aptanyń senbi kúni ótkiziletin bolady.
Erjan Baıtiles.
Derek: egemen.kz.
Sýret: mvd.gov.kz.