ASTANA. 11 qańtar. Qazaqstan Respýblıkasy Qarýly Kúshteriniń bólimderi men quramalarynda 2016 jyly oqý bitiretin kadetterdiń áskerı taǵylymdamasy bastaldy. Bul týraly egemen.kz tilshisi habarlady.
Taǵylymdama Qorǵanys mınıstrligi Kadet korpýsynyń úırenýshileri úshin jańa tájirıbe men Qarýly Kúshterdiń áskerı bólimderi men bólimshelerinde naǵyz qyzmetti tanyp-bilýdiń alǵashqy múmkindigi.
Barlyǵy praktıkalyq sabaqtarǵa ekinshi kýrstyń 185 kadeti tartylady. Olardyń 53-i «Batys» óńirlik qolbasshylyǵynda, 45 kadet Aeroutqyr áskerlerinde, 35-i «Ońtústik» óńirlik qolbasshylyǵynda, taǵy 52 kadet «Shyǵys» óńirlik qolbasshylyǵynda taǵylymdamadan ótedi.
Áskerı taǵylymdamanyń merzimi eki aı. Osy ýaqyt ishinde bolashaq serjanttar Kadet korpýsynyń qabyrǵasynda alǵan teorııalyq, praktıkalyq daǵdylary men sheberlikterin pysyqtaýy, Qarýly Kúshterdegi shynaıy qyzmetke daıyndalýy, kásipqoı kóshbasshynyń mashyǵyn jetildirýi tıis.
Elimizdegi birden-bir Sh.Ýálıhanov atyndaǵy Qorǵanys mınıstrliginiń Kadet korpýsy osy jyly óziniń 20 jyldyǵyn atap ótedi.
20 jylda Kadet korpýsynyń qabyrǵasynan 2 400-den asa kishi komandalyq quram mamandary túlep shyqty. Búginde «Áskerı basqarýdyń kishi mamany» dıplomy jáne biliktiligimen, JÁJM-niń mehanık-júrgizýshisi jáne «V», «S» sanatyndaǵy júrgizýshi kýáligimen olardyń barlyǵy qazaqstandyq armııada qyzmet etýde. QM Kadet korpýsynyń túlekteri qatarynda bólimshe komandırinen bastap Qarýly Kúshteriniń bas serjantyna deıingi laýazymdarda ózderiniń áskerı boryshyn joǵary ári laıyqty deńgeıde atqaryp júrgen kóptegen daryndy áskerı qyzmetshiler bar.
Dastan Kenjalın.
Derek, sýret: egemen.kz