ASTANA. 11 qańtar. Aýa raıynyń qolaısyzdyǵyna baılanysty elimizdiń 4, ıaǵnı, Almaty, Qaraǵandy, Aqmola jáne Pavlodar oblystarynda tasjoldar jabyldy. Bul týraly inform.kz-ke silteme jasaǵan egemen.kz tilshisi habarlady.
«Qazaqavtojol» RMK baspasóz qyzmetiniń habarlaýynsha, Almaty oblysynda aýa raıynyń nasharlaýyna baılanysty «Úsharal-Dostyq» (83-184 shaqyrym) tasjolynyń Kóktýma stansasynan Dostyq stansasyna deıingi bóliginde kóliktiń barlyq túriniń qozǵalysyna shekteý qoıyldy.
Sonymen qatar, Qaraǵandy oblysynda jaýyn-shashyn men jeldiń kúsheıýine jáne kóktaıǵaqqa baılanysty «Qyzylorda-Pavlodar» tasjolynyń (433-749 shaqyrym) Jezqazǵan-Atasý ýchaskesinde júk kóligi men qoǵamdyq kólik úshin qozǵalys jabyldy.
Odan bólek, búgin saǵat 14:10-da aýa raıynyń buzylýyna baılanysty «Ekaterınbýrg-Almaty» tasjolynyń 1492-1610 shaqyrymyndaǵy Qaraǵandy-Aqsý-aıýly bóliginde júk kóligi men qoǵamdyq kólik úshin qozǵalys shekteldi.
Saǵat 15:00-de osyndaı sebeptermen tómendegi myna joldarda júk kóligi men qoǵamdyq kólik úshin qozǵalys shekteldi:
«Ekaterınbýrg-Almaty» tasjolynyń 1353-1425 shaqyrymyndaǵy Aqmola oblysynyń shekarasy men Temirtaý aralyǵy;
«Qyzylorda-Pavlodar» tasjolynyń 753-905 shaqyrymyndaǵy Atasý kentinen Topar kentine deıingi bólik;
«Qyzylorda-Pavlodar» tasjolynyń 970-1135 shaqyrymyndaǵy Qaraǵandydan Pavlodar oblysynyń shekarasyna deıingi ýchaske;
«Qaraǵandy-Aıagóz-Buǵaz» tasjolynyń 17-217 shaqyrymyndaǵy Qaraǵandydan Qarqaraly qalasyna deıingi bólik;
«Qalqaman-Baıanaýyl-Kerneı-Botaqara» jolynyń 231-324 shaqyrymyndaǵy Pavlodar oblysynyń shekarasynan Botaqara kentine deıingi bólik.
Elaman Qońyr.
Derek: inform.kz.
Sýret: yk-news.kz.