ASTANA. 11 qańtar. Qazaqstan Respýblıkasy Qarýly Kúshteriniń áskerı qyzmetshileri Shyǵys Qazaqstan oblysy Kókpekti aýdanynyń turǵyndaryna kómekke keldi. Bul týraly egemen.kz tilshisi habarlady.
27943 áskerı bóliminiń ofıserleri men kelisimshart boıynsha áskerı qyzmetshileri 30 jeltoqsanǵa qaraǵan túni qatty qar kóshkininen syrtqy álemnen jyraqta qalǵan jergilikti halyqty qutqarýǵa attandy.
Azyq-túlik pen dári-dármek ákelýge, al qajet bolǵan jaǵdaıda adamdardy eldi mekenge kóshirý úshin eldi mekenge arnaıy tehnıka, ıaǵnı, tórt jeńil brondalǵan kóp maqsattyly tartqysh jáne bir KaMAZ R-142 tartyldy.
ShQO Jarma aýdanyna halyqqa kómek kórsetý, joldy tazalaý jáne qar kúrtiginen avtomobıldi tehnıkany alyp shyǵý úshin 54770 áskerı bóliminiń áskerı qyzmetshileri, sondaı-aq aýyr arnaıy tehnıka, ıaǵnı, jyldam júretin artıllerııalyq tartqysh jiberildi.
«Shyǵys» óńirlik qolbasshylyǵynda habarlaǵandaı, is-sharalar tabıǵı sıpattaǵy tótenshe jaǵdaı saldaryn jedel jáne uıymdasqan túrde joıý jáne О́skemen garnızonynyń bastyǵy podpolkovnık Erjan Ybyraevtyń jaýapkershiligi aımaǵynda zardap shekkenderge kómek kórsetý maqsatynda ótkizilýde.
Tótenshe jaǵdaı basylǵansha deıin áskerı qyzmetshiler eldi mekenderde bolady. Qajet bolǵan jaǵdaıda qolbasshylyq kómekke jeke quramnyń qosymsha sanyn jiberýge ázir.
Dastan Kenjalın.
Derek, sýret: egemen.kz