PETROPAVL. 11 qańtar. Sybaılas jemqorlyqqa qarsy kúres jónindegi ulttyq bıýronyń qyzmetkerleri ishki ister departamentiniń ishki qaýipsizdik basqarmasymen birlese otyryp júrgizgen jedel shara barysynda eki polısııa saqshysyn paramen tutqyndady. Bul týraly egemen.kz tilshisi habarlady.
Petropavl qalalyq ishki ister basqarmasy krımınaldyq polısııa bóliminiń eki ýákili, atap aıtqanda, polısııa kapıtandary J. Sahatov pen E. Sháıinov jeke tulǵaǵa qatysty qylmysty isti toqtatý úshin 100 myń teńge mólsherinde alym talap etken. Alaıda aram oıly suǵanaqtardyń pıǵyly júzege aspady. Jeńil kólik ishinde parany shytyrlatyp sanap alyp jatqan jerinen qoldaryna kisen salyndy.
Kúdiktiler qamaýǵa alynyp, tergeý amaldary júrgizilýde.
О́mir Esqalı.
Derek, sýret: egemen.kz