ASTANA. 19 qańtar. Jolaýshylar násildik kemsitýshilikke jol bergen American Airlines áýe kompanııasynan 6 mıllıon AQSh dollaryn talap etýde. Bul týraly TASS agenttigine silteme jasaǵan egemen.kz tilshisi habarlady.
Tórt amerıkalyq azamat – úsh musylman jáne bir sıkh násildik erekshelikterine qaraı kemsitkeni úshin American Airlines áýe kompanııasynan 6 mıllıon AQSh dollary kóleminde ótemaqy talap etip otyr. Dúısenbi kúni olar osyndaı maǵynadaǵy talap aryzdy Nıý-Iork qalalyq sotyna bergen.
Aryzdanýshylar áýe kompanııasyn ótken jyldyń jeltoqsan aıynda Kanadanyń Toronto qalasynan Nıý-Iorkke ushqaly turǵan ushaqtan ózderin qyzmetkerlerdiń negizsiz ári esh sebebin túsindirmesten túsirip tastaǵany úshin aıyptap otyr.
Ekıpaj músheleri jolaýshylardy tym dóreki túrde uıqysynan oıatyp, ushaq salonyn bosatýdy talap etken. Bul talapty túsindirýdi ótingende stıýardtar jolaýshylarǵa termınalǵa qaıta baryp, sol jerde aldaǵy ókimdi kútýlerin usynǵan.
«Mundaı jaǵdaı ózimdi bir qylmysker sekildi sezindirdi. Quddy men bir bıikte turyp, eldiń bári maǵan saýsaǵyn shuqshıtyp, kinálap turǵandaı boldy», – dep jábirlenýshilerdiń biri CNN telearnasyna málimdegen. Alaıda, ol óziniń aty-jónin jarııa etpegen. Jábirlenýshiniń sózine qaraǵanda, American Airlines kompanııasynyń ókili oqıǵanyń mán-jaıyn ushaq Nıý-Iork-ke ushyp ketip, tórt jolaýshy termınalda qalǵannan keıin ǵana túsindirip bergen.
«Bizdiń bortta bolýymyz ekıpaj múshelerin, ásirese, komandırge yńǵaısyzdyq keltirgen. Olar jaǵymsyz jolaýshylardy túsirip tastamaıynsha reıske qyzmet kórsetýden bas tartqan», – deıdi Nıý-Iorktiń 23 jastaǵy turǵyny.
Ol kompanııa ókilderinen bul jaǵdaıǵa onyń bet-júziniń qaratorylyǵy men ózi men janyndaǵy joldastarynyń saqaly qandaı da bir ról atqarǵany týraly suraǵan. Alaıda, American Airlines ókili bul erekshelikter «osy iske esh kómektespegenin» moıyndaǵan.
Áýe tasymaly ázirge talap aryz týraly eshqandaı málimdeme jasaǵan joq. Kompanııa istiń anyq-qanyǵymen tanysqannan keıin birden jaýap beretindikterine ýáde bergen. Qazirgi tańda AQSh-ta násildik erekshelikteri men dinı kózqarastaryna qaraı kemsitýshilik máselesi ózekti bolyp tur. О́tken jyly 13 qarashada Parıjde bolǵan lańkestik oqıǵadan keıin osyǵan uqsas jaǵdaılar jıilep ketken. Esterińizde bolsa, Fransııa astanasyndaǵy qandy oqıǵa kezinde 130-dan astam adam qaza bolǵan edi.
Elaman Qońyr.
Derek: TASS.
Sýret: Wikipedia.org.