«Qoǵamdyq damý ortalyǵy» QQ-nyń QR Parlamenti Májilisi depýtattarynyń kezekten tys saılaýyn ótkizý týraly
Jarlyqty qoldaý boıynsha
MÁLIMDEMESI
«Qoǵamdyq damý ortalyǵy» Qoǵamdyq qorynyń músheleri Memleket basshysyna Parlament Májilisi men barlyq deńgeıdegi máslıhattardyń kezekten tys saılaýlaryn ótkizý týraly qabyldaǵan sheshimine baılanysty tereń rızashylyq sezimderin bildiredi. Bizdiń uıymymyz qashanda memlekettik organdardyń qyzmetin, azamattyq bastamalardy damytý men jergilikti qoǵamdastyqtardyń belsendiligin baqylaýdy qamtamasyz ete otyryp, Qazaqstannyń progress pen ornyqty damýyna baǵyttalǵan sharalarǵa qoldaý kórsetip keldi jáne kórsete beretin bolady. Qazaqstan Prezıdenti jarııalaǵan reformalardyń joǵary rólin túsine otyryp, biz Qazaqstan qoǵamy ómiriniń barlyq sheshýshi basymdyqtaryn keń aýqymdy jańǵyrtýdaǵy jetekshi strategııa retinde «100 naqty qadam» Ult Josparynyń mindetterin jedel júzege asyrý qajettigin qoldaımyz. Qazirgi kezeńde biz, tutastaı alǵanda, memleketti damytý úshin belgilengen maqsattardyń tıimdi oryndala bastaǵany men qaǵıdatty jańa quqyqtyq orta qalyptastyrylýynyń kýágerleri bolyp otyrmyz. Qurylǵan bazıs eldiń basty basymdyǵy – Qazaqstannyń álemdegi asa damyǵan 30 eldiń qataryna qosylýyn júzege asyrýdyń ornyqty negizin qalyptastyrýda ekeni anyq. Atalǵan jolda aldaǵy saılaýdyń biriktirýshi áleýeti bıliktiń zań shyǵarýshy tarmaǵyn kúsheıtýge ǵana emes, sondaı-aq, Qazaqstan úshin jańa jaǵdaılarda barlyq qoǵamdyq kúshterdi toptastyrýǵa múmkindik beretinine senimdimiz.