«5-shi shaqyrylymdaǵy Parlament Májilisin taratý, sondaı-aq
QR Parlamenti Májilisi depýtattarynyń kezekten tys saılaýyn taǵaıyndaý týraly» Jarlyqqa baılanysty
MÁLIMDEMESI
Biz, Halyqaralyq «Qazaq tili» qoǵamy, Prezıdenttiń Májilis depýtattarynyń kezekten tys saılaýyn ótkizý týraly Jarlyǵyn qýana qarsy aldyq. Elbasymyz aıqyndap bergen Qazaqstannyń kóshbasshy elderdiń qataryna ený týrasyndaǵy maqsattary men mindetterin biz jaýapkershilikpen júzege asyrýymyz kerek. Biz árdaıym Otanymyzdyń álemniń alpaýyt elderimen úzeńgi túıistirer deńgeıge jetkenin maqtan etemiz. Qazaqstan álemdi kúızeltken geoekonomıkalyq, geosaıası janjaldarǵa, tabıǵı apattarǵa qaramastan, aıqyn maqsattarǵa qaraı ilgerileý ústinde. Sonymen qatar, bul mańyzdy belesterdi baǵyndyrýda memleketimizdiń áleýmettik-ekonomıkalyq áleýeti zor septigin tıgizýde. Sondyqtan, biz memleketimizdi jáne Elbasymyzdy qasterlep, tabystaryna súısinip, jetistikterimen rýhtanamyz. Sebebi, Prezıdentimiz elimizdiń irgesin nyǵaıtyp, halqymyzdyń beıbit ómirin qamtamasyz etip, qoǵamnyń birligi men kelisimin saqtap keledi. Osy oraıda, biz Máńgilik El bolý jolyndaǵy asqaq maqsattar turǵysynan naqty iske kirisý týraly bastamaǵa qoldaý bildirgen Jarlyqtyń durys sheshim ekendigin málimdeımiz jáne barsha qazaqstandyqtardy Jarlyqty júzege asyrý aıasynda birigýge shaqyramyz.