«Adelııanyń» qııary Reseıge de jetedi

Shymkentten Badam aýylyna baratyn tas joldyń oń jaq tepseńinde Qazaqstandaǵy eń alyp jylyjaılardyń biri bar. «Adelııa» jylyjaıyna Oń­tústikke saparlarynyń birinde Elbasynyń ózi kelip, atqary­lyp jatqan jumystaryna rıza­shy­lyǵyn bildirgen. Ońtústik kásip­kerlerimen júzdesip, sharýashy­lyqtarynyń jaı-japsarymen tanysqan. Sol «Adelııa» bes gektar aýmaqta qııar kóshetin egýdi bastap ketti. Osynshama aýmaqty ıgerýge mol qarjy qajet. Úkimettik qol­daý arqyly «QazAgro» ulttyq hol­­­dınginen 2 mlrd. 200mln.-ǵa jýyq qarjy alǵan sharýashylyq álem­dik tehnologııanyń jetis­tik­terin paıdalanyp ónimdi mol alýda. Seriktestiktiń bas agronomy Dmıtrıı Kovchenko jylyjaıǵa qııardyń ónimdiligi joǵary «Neı­mar» surypty kósheti egilip jat­qandyǵyn aıtady. Bıyl qııar, qyzanaqtyń baǵasy joǵary. 600-700 teńgeden túspeı tur. Al soltústik oblystarda kılosy myń­ǵa deıin tartady. Iаǵnı, «Ade­lııanyń» upaıy túgel. Jylyjaı ishi kúndizgideı jaryq. Kógildir otyn kelip tur, qa­lypty temperatýra 18 gradýs. Egi­lýge daıyndalǵan 180 myń túp kóshetke kerekti mıneraldyq qospalar daıyn. Jalpy, Ońtústik Qazaqstan oblysy memleketimiz boı­ynsha jylyjaıdyń 87 paıyzyn qam­tıdy. Osynshalyq jyly­jaı­lar­dyń ónimi satylmaı qalǵan emes. Kókónis pisetin kezde alyp kólikterge mingen reseılik kásip­ker­ler kóptep keledi. Bıyl dıqan­dar sharýasyna qaýyrt kirisip jatyr. Reseıdiń jemis-jıdek, kókónis, baý-baqsha ónimderine degen suranysyn qamtamasyz etip otyrǵan Túrkııa naryqtan shettetildi. Joǵary tehnologııamen jumys jasaıtyn, ónimderi halyqaralyq standarttarǵa saı «Adelııanyń» kókónisterin Reseı buryn da alyp kelgen, qazir burynǵysynan da kóp almaq. Qalaı degende de, dıqandardyń mańdaı teri aqtalǵaly tur. Baqtııar TAIJAN, «Egemen Qazaqstan». Ońtústik Qazaqstan oblysy.