ASTANA. 23 qańtar. Kanadanyń La-Losh qalasynda mektep oqýshy óziniń eki baýyry men eki adamdy atyp óltirdi. Bul týraly 24.kz habarlady.
La-Losh qalasy basshysynyń mindetin ýaqytsha atqarýshy Kevın Janve: «Ol úıinde óziniń eki baýyryn atyp, artynsha mektepke kelgen. Qolyndaǵy qarýmen oq jaýdyrǵan. Saldarynan bir adam men meniń osy mekteptegi muǵalim qyzym qaıtys boldy», – deıdi.
Aıta keteıik, Kevınniń 23 jastaǵy qyzy Marı Janve mektepte ustaz bolyp jumys jisteıdi. Al tórtinshi marqumnyń kim ekeni ázirge belgisiz. Sondaı-aq, kúdikti taǵy eki adamdy aýyr jaralaǵan. Olar qazir aýrýhananyń jansaqtaý bóliminde.
Polıseıler mektepte atys uıymdastyrǵan oqýshynyń kim ekeni, mundaı áreketke ne úshin barǵany ázirge habarlamady. Qazirgi ýaqytta tergeý amaldary júrgizilýde.
Talǵat Raıymbek.
Derek, sýret: 24.kz.