О́ndiristi óńirdegi keleli kezdesýler

«Nur Otan» partııasy Tóraǵasynyń birinshi orynbasary Asqar Myrzahmetov bastaǵan respýblıkalyq saılaýaldy shtab delegasııasy keshe Pavlodar oblysynda «Nurly Jol» memlekettik baǵdarlamasy boıynsha salynyp jatqan qurylys nysandaryna reıd júrgizdi. Sondaı-aq, osyndaǵy metallýrgııalyq zaýyt pen astyq óńdeýshi kásiporyndardyń ujymdarymen kezdesip, partııany qoldaýshylardyń forýmyna qatysty. Respýblıkalyq saılaýaldy shtab músheleri aldymen «Nurly Jol» mem­lekettik baǵdarlamasy boıynsha sa­lynyp jatqan Pavlodar men Aqsý qa­lalaryn tikeleı baılanystyra­tyn Ertis ózeni arqyly ótetin jańa kópirdiń jáne eki turǵyn úıdiń qurylys alańynda boldy. Uzyndyǵy 12 shaqyrymǵa sozylǵan aspaly kópir Ortalyq Azııadaǵy eń uzyn kópirler qatarynda. Bul ótkel Astana – Pavlodar – О́skemen avtobanynyń bir bóligine aınalyp, Qazaqstannyń orta­lyǵyn Reseıdiń kórshiles óńirlerimen baılanystyrady. «Jalpy, baǵdarlama aıasynda 5 myń shaqyrym avtojol, 2,5 myń shaqyrym shoıyn jol tóselmek. «Nurly Jolǵa» tek qana jol qurylysy emes, jolmen birge, turǵyn úı, ındýstrııalyq-ener­getıka jáne kommýnaldyq ınfra­qu­rylymdar qurylysy da jatady. Elbasy tapsyrmasyna sáıkes bıyl qosymsha 1,5 mln. sharshy metr turǵyn úı paıdalanýǵa beri­ledi», – dedi A.Myrzahmetov. Bul rette, «Nurly Jol» aıasynda turǵy­zyl­­ǵan úılerde úsh aıdan keıin 270 otba­sy qonys toıyn toılaıdy dep jospar­lanǵanyn aıta ketý kerek. Taǵy bir kezdesý Qazaqstan metal­lýr­gııasynyń kóshbasshysy sanalatyn «Qa­zaqstan elektrolız zaýytynda» ótip, oǵan zaýyt eńbekkerleri jınaldy. Kezdesý barysynda Memleket basshysy, partııa Tóraǵasy Nursultan Nazarbaev­tyń óz sózinde eńbek adamyna erek­she toqtalyp, adal eńbek etýge qabilet­ti adam árqashan da ómirde óz ornyn ta­batyny jaıly, Qazaqstannyń gúlde­nýi árbir azamattyń qolynda ekenin ár­qa­shan da aıtyp júrgenine den qoıyldy. 2010 jyldyń maýsym aıynda Memleket basshysy Nursultan Nazarbaev zaýyttyń ekinshi kezegin iske qosty, nátıjesinde kásiporyn jylyna 250 myń tonna alıý­mınıı óndiretin jańa jobalyq qýatqa qol jetkizdi. Zaýyt jetekshisi Roman Romanov óz ónimderiniń ózge elderge: Reseı, Ýkraına, Belarýs jáne О́zbek­stanǵa eksporttalatynymen bólisti. Qazirgi tańda kásiporynda 2,5 myńǵa jýyq adam eńbek etse, solardyń 1,3 myń­nan astamy «Nur Otan» partııasynyń múshesi kórinedi. Olar saılaýaldy baǵ­dar­lamadaǵy elimizdi ındýstrııalyq da­mytý jónindegi mindetter júzege asatyndyǵyna biraýyzdan senim bildirdi. Asqar TURAPBAIULY, «Egemen Qazaqstan». Pavlodar.