QARAǴANDY. 25 aqpan. Qaraǵandy oblysynda polısııa qyzmetkerleri iri kólemde esirtki satýmen aınalysyp júrgen kúdiktilerdi qolǵa túsirdi. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Esirtki bıznesimen kúres jónindegi basqarmanyń qyzmetkerleri Osakarov aýdanyndaǵy Esil aýylynda esirtki satýmen aınalysty degen kúdikpen 42 jastaǵy turǵyndy ustaǵan bolatyn. Kúdiktiniń úıin tintý barysynda 1 kılodan astam esirtki zaty tabyldy.
Sol kúni Temirtaý qalasynyń tártip saqshylary jedel-izdestirý sharalary barysynda 37 jastaǵy jergilikti turǵynnyń avtokóliginen 500 gramm esirtki tapty.
Qazirgi kezde osy eki fakti boıynsha sotqa deıingi tergeý amaldary júrgizilýde.
Qaırat Ábildınov.
Derek, sýret: Qaraǵandy oblysynyń ishki ister departamentiniń baspasóz qyzmeti.