ASTANA. 15 naýryz. Áıgili ıspan tennısshisi Rafael Nadal Fransııanyń burynǵy sport mınıstri Rozelın Bashelonyń ústinen sotqa shaǵymdanýǵa nıetti ekenin málimdedi. Oǵan burynǵy sheneýniktiń sportshyny dopıng qoldandy dep negizsiz aıyptaýy sebep bolyp otyr. Bul týraly BBC-ge silteme jasaǵan egemen.kz tilshisi habarlady.
О́tken aptada óziniń ruqsat etilmegen dári-dármekter qoldanǵanyn moıyndaǵan Reseı tennısshisi Marııa Sharapovanyń áreketine baılanysty Rozelın Bashelo óz pikirin bildirgen bolatyn. Sol kezde ol ıspan tennısshisiniń de atyn atap: «Nadaldyń 2012 jyly jeti aı demalys alǵany belgili. Oǵan resmı túrde málimdelgendeı jaraqaty emes, tyıym salynǵan preparattardy qoldanýy sebep bolýy ábden múmkin», – dedi. Dese de, eks-mınıstr bul sózine eshqandaı dálel keltirgen joq.
Buǵan deıin óz atyna aıtylǵan mundaı jalanyń san túrin estigen Rafael Nadal bul joly shydamynyń taýsylǵanyn aıtyp:
«Fransııa syndy álemdegi alpaýyt elderdiń birinde sport vedomstvosyn basqarǵan adam ár sózin oılanyp baryp sóıleýi kerek. Men 5 jasymnan beri osy sport túrimen shuǵyldanyp kelemin. Sodan bergi jetistikterime ózimniń adal eńbegimniń arqasynda jettim. Sondyqtan mundaı naqaq jalaǵa budan artyq tóze almaımyn. Bolashaqta kimde-kim meni negizsiz aıyptasa, olardyń árqaısysymen sottasýǵa daıynmyn», – dedi.
Elaman Qońyr.
Derek: BBC.
Sýret: AFP.