Mereke qarsańyndaǵy jáne mereke kúnderindegi jolaýshylar tasymalyna degen suranysty qanaǵattandyrý maqsatynda «Jolaýshylar tasymaly» AQ tómendegi baǵyttar boıynsha qosymsha poıyzdardyń saparǵa shyǵatynyn habarlaıdy:
- №100/99 «Tulpar-Talgo» vagondarynan quralǵan №100/99 «Astana – Pavlodar» poıyzy Astanadan 2016 jyldyń 18 naýryzy men 30 sáýiri aralyǵynda jolǵa shyǵady, al Pavlodardan 2016 jyldyń 19 naýryzy men 1 mamyry aralyǵynda qatynaıdy;
- №634/633 «Qaraǵandy – Jezqazǵan» poıyzy Qaraǵandydan 2016 jyldyń 18, 20, 22, 24, 26 naýryzynda, al Jezqazǵannan 2016 jyldyń 19, 21, 23, 25, 27 naýryzynda qatynaıdy;
- №61/62 «Almaty-2 – Arys-1» poıyzy Almatydan 2016 jyldyń 18 naýryzynda attanyp, ertesine Arystan keri baǵytta jolǵa shyǵady, dep habarlady «Jolaýshylar tasymaly» AQ baspasóz qyzmeti.