Talap deńgeıinde ótkizildi

Janmurat JANAIDAROV, Saılaýdy baıqaý jónindegi res­pýb­lıkalyq qo­ǵamdyq komıs­sııanyń Aqmola oblysy boıynsha óńirlik ortalyǵynyń múshesi. Men oblys­tyq komıssııa bekitken Aqkól aýdany men Stepnogor qalasyndaǵy saılaý ýchaskelerindegi jumys barysyn baıqaýǵa qatystym. Saılaý ýchaskelerinde bizben birge saıası partııa ókilderi, úmitkerlerdiń senimdi ókilderi, BAQ qyzmetkerleri kúni boıy jumys istedi. Ýchaskelerde aqparattyq ashyqtyq, bizdiń mindetimizge túsinistikpen qaraý qamtamasyz etildi. Osynaý mańyzdy naýqanǵa merekelik sıpat berilgenin atap ótýge bolady. Daýys berýge kelgender óziniń azamattyq paryzyn kidirissiz oryndap jatty. Saılaý bıýlletenderi muqııat sanalyp, ýchaske músheleriniń ústelderine alfavıt boıynsha úlestirip berildi. Halyq óziniń konstıtýsııalyq quqyǵyn tolyq paıdalandy. Keleńsizdikter kórinis bergen joq. Daýystardy sanaý, tıisti qujattardy tol­tyrý, qaýly alý qatań tártip negizinde júrgizil­genine kúmánim joq. Aqmola oblysy.

Oıdaǵydaı ótti

Ǵosman TО́LEǴUL, Saılaýdy baıqaý jónindegi respýblıkalyq qoǵamdyq komıssııanyń Aqmola oblysy boıynsha ortalyǵynyń tóraǵasy. Saılaýdy baı­qaý jó­nindegi res­pýb­lıkalyq qo­ǵamdyq ko­mıssııanyń ob­lystyq fılıaly kezekti saıası naýqannyń jaýapty synynan oıdaǵydaı ótti dep oılaımyn. О́ńirde ádil saılaý men saılaý naýqanynyń ashyqtyǵy qamtamasyz etil­geni aı­qyn kórinis berdi. Bul – bizge júktelgen basty maqsat. Sondaı-aq, bul komıssııa músheleriniń, óńir­lerdegi 758 qoǵamdyq kómekshilerimizdiń tııa­naqty isiniń nátıjesi deýge de bolady. Bıylǵy saılaý, ádettegideı, oblys turǵyn­darynyń saıası sarabdaldyǵynyń óskendigin dáleldedi. Biz de óz tarapymyzdan ortaq istiń oralymdy bolýyna úles qosýǵa tyrystyq. Aldymen baıqaýshylarymyzdyń basyn qosqan semınarǵa respýblıkalyq qoǵamdyq komıssııanyń múshesi Tamara Shırmer qatysyp, komıssııanyń saılaýaldy naýqanynyń demokratııalyq qaǵıdalar talaptaryna saı uıymdastyrylýyna, azamattardyń erkin pikir ustanymyn qamtamasyz etýge septesetindigin atap kórsetti. Oblystyq fılıal músheleri josparly keste boıyn­sha oblystyń barlyq aýdandarynda semınar-trenıngter ótkizdi. Biz onda saılaý barysynda saıası beı-taraptyq, ashyqtyq jáne ádildik qaǵıdattary qatań saqtalýyna, azamattardyń konstıtýsııalyq quqyqtarynyń burmalanýyna jol berilmeýine kóńil bóldik. Saılaý barysynda da oblysymyzdaǵy barlyq ýchaskelerde komıssııa músheleri belsendilik tanytty. Men jumysty Krasnyı ıar kentindegi kásiptik-tehnıkalyq lıseıden bastadym. Saılaý ýchaskesi tańǵy 7-den daýys berýshilerdi qabyldaı bastady. Mun­daǵy uıymdyq máselelerde eshqandaı kemshilik oryn alǵan joq. Azamattar jabyq daýys quqyǵyn paıda­lanyp, tańdaý erkindigine ıe boldy. Odan keıin de birshama saılaý ýchaskelerinde boldyq. Zańdyq talaptar, halyqaralyq normalardyń burmalaný kórinisi tirkelmedi. Biz saılaý barysyna tikeleı aralaspa­ǵanymyzben bıýlletender salynǵan jáshikterdi ashý, ony sanaý, daýys berý barysy men onyń qorytyndysyn shyǵarý isin jiti baıqaýda ustadyq. Biz mańyzdy naýqannyń oıdaǵydaı ótkendigin kepildendire alamyz. Aqmola oblysy.

Jastar belsendiligi

Men №6 saılaý okrýgine qarasty Joldas­bekov atyndaǵy №9 orta mekteptegi №89 saılaý ýchaskesine saǵat tańǵy 7-de keldim. Jastar ortalyǵynyń qyzmetkerimin. Osynda saılaýǵa túsip jatqan partııa jáne úmitkerdiń, qoǵamdyq uıymdardyń baıqaýshylary saılaý barysyn tolyq baqylap otyr. EQYU jáne halyqaralyq uıymnan ja­saqtalǵan baı­qaý­shylar da kelip, saı­laý ýchaskesindegi jaǵdaımen tanysyp jatyr. Tańerteńgilik jurt óte kóp keldi. Tústen keıin saıabyrsydy. Bizdi saılaýǵa jastardyń mol kelgeni súısindirýde. Olar el erteńine alańdaıtynyn osyndaı belsendiligimen baıqatyp jatyr. Merýert AMANJOLOVA, Saılaýdy baıqaý jónindegi respýblıkalyq qoǵamdyq komıssııanyń Ońtústik Qazaqstan oblysy boıynsha óńirlik ortalyǵynyń múshesi. Ońtústik Qazaqstan oblysy.