ASTANA. 31 naýryz. Jambyl oblysy, Baızaq aýdanyna qarasty Býryl (Rovnoe) aýylynda 6 jasar balanyń ólimine kúdikti retinde ustalǵan 18 jasar azamatqa qatysty qylmystyq is sotqa jetkizildi. Bul týraly ras.kz-ke silteme jasaǵan egemen.kz tilshisi habarlady.
Muny Jambyl oblysy qylmystyq ister jónindegi mamandandyrylǵan aýdanaralyq sotyndaǵylar rastap otyr.
Oqıǵa ústimizdegi jylǵy 15 aqpan kúni oryn aldy. Osy kúni keshki saǵat 17:00 shamasynda atalǵan aýyldaǵy jekemenshik úıde kámelettik jasqa jetpegen A.S.Dúısenbektiń zorlyqpen óltirilgen belgileri bar denesi tabyldy. Atalǵan fakti negizinde Qylmystyq kodeksiniń 99-baby 2-bólimi 14-tarmaqshasy (kámelettik jasqa jetpegendi ádeıi óltirý) boıynsha qylmystyq is qozǵaldy
Kelesi kúni óz kinásin moıyndaǵan K. esimdi kúdikti azamat ustalyp, ýaqytsha oqshaýlaǵyshqa qamaldy. Qylmys qaıtys bolǵan balanyń otbasynyń múlkin urlaý isine baılanysty bolǵanyn, ıaǵnı turmystyq sıpatta ekeni anyqtaldy.
«Qylmystyq is sotqa tústi, sýdıa Azamat Tilepovke berildi. 1998 jyl týǵan Dýrsýn Kavazogly Qylmystyq kodekstiń 99-baby, 2-bólimi («Adam óltirý») boıynsha tergelýde. Isti qaraý merzimi áli anyqtalǵan joq. Ol qamaýda otyr», – dedi agenttikke habarlaýshy telefon arqyly.
Talǵat Raıymbek.
Derek: ras.kz.
Foto: mng.sud.kz.