ASTANA. 31 naýryz. AQSh-tyń Oklahoma shtatynda joıqyn tornadonyń saldarynan 6 myń úı jaryqsyz qaldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Tabıǵat apatynan 9 adam zardap shekti. Jergilikti bıliktiń habarlaýynsha, daýyl atalǵan shtatqa qarasty Talsa qalasyna kóp shyǵyn ákelgen. Birqatar joldar jabylyp, kólik qozǵalysy toqtatyldy. Qala basshylyǵy turǵyndarǵa syrtqa shyqpaýǵa keńes berdi.
Sondaı-aq, qazirgi kezde Lýızıana men Mıssısıpı shtattarynda jaýyn tolastar emes. Aldyn ala boljam boıynsha, munyń arty sý tasqynyna ulasýy múmkin. Mamandar bul jaǵdaı Alabama shtatynda da qaıtalanýy yqtımal ekenin aıtty.
Aıta keteıik, AQSh-ta tosyn tabıǵat apaty jıi bolyp turady. О́tken jyldyń 10 sáýir kúni sońǵy 20 jylda bolmaǵan tornado soǵyp, Tehas, Lýızıana, Arkanzas, Mıssısıpı, Tennessı, Mıssýrı, Kentýkkı, Indıana shtattarynda ondaǵan úı qırap qalǵan.
Aıan Ábdýálı.
Derek: RIA «Novostı».
Foto: hronika.info.