ASTANA. 31 naýryz. Úndistannyń shyǵysyndaǵy Batys Bengalııa shtatyna qarasty Kalkýtte qalasynda salynyp jatqan kópir qulap, qaza tapqandar sany 22 adamǵa jetti. Bul týraly TASS aqparat agenttigine silteme jasaǵan egemen.kz tilshisi habarlady.
Qutqarýshylar toby oqıǵa ornynda izdeý jumystaryn júrgizip jatyr. Olar qaza tapqandardan bólek 150-den astam adamdy úıindi astynan aman alyp shyqty. Alaıda, 78 adam qatty jaraqat alǵan kúıde aýrýhanalarǵa jetkizildi. Dárigerler olardyń jaǵdaıy tym aýyr dep baǵalap otyr. Qaza tapqandardyń sany artýy múmkin degen de boljam bar. Al qırandy astynda áli 100-ge jýyq adam bar.
Mamandar kópir jumysyn jobalaýda nemese qurylys jumysynda aqaýlar bolǵan degen sheshim shyǵardy. Aldyn ala tekserý boıynsha, kem degende eki tireýish aýyr salmaqqa shydamaǵan. Sondaı-aq, apat ornynda órt shyqqan. Aspaly kópir qulaǵan kezde janarmaı ákele jatqan júk kólikteriniń bolǵany anyqtaldy.
Aıan Ábdýálı.
Derek, foto: TASS.