Shekaralyq baqylaý kezinde qazaqstandyq shekarashylar sırek zattardy zańsyz alyp ótýge tyrysatyndardyń jolyn kesip jatady, dep habarlady QR UQK ShQ baspasóz qyzmeti.
Qazaqstan-Reseı shekarasynda ornalasqan Qostanaı shekara otrıadyna qarasty «Qaıraq temirjol» baqylaý-ótkizý beketiniń shekarashylary Astanadan Sankt-Peterbýrg qalasyna ketip bara jatqan azamatqa shekaralyq baqylaý jasaǵanda onyń sómkesinen sýyq qarý tapty.
Sýyq qarý anaý-mynaý emes, samýraıdyń semseri bolyp shyqty. Ony 27 jastaǵy Reseı azamatyna dostary syılaǵan kórinedi. Semserdiń uzyndyǵy jarty metrge jýyq, eni – 2,5 sm, qalyńdyǵy – 5 mm, qylpyldaǵan ustarasynyń uzyndyǵy 29 sm bolyp shyqty. Salmaǵy 1 100 gramm eken. Shekarashylardyń qyraǵylyǵy bolmaǵanda, bul jádiger shekara asyp kete barǵan bolar edi.
Atalǵan derek boıynsha quqyq qorǵaý organdary habarlandyryldy.