Parlament Májilisinde Tóraǵanyń orynbasary, «Nur Otan» partııasy fraksııasynyń jetekshisi Gúlmıra Isimbaevanyń tóraıymdyǵymen «Nur Otan» partııasynyń Májilistegi fraksııasynyń alǵashqy jınalysy boldy, dep habarlady osy palatanyń baspasóz qyzmeti.
Fraksııa jetekshisi Gúlmıra Isimbaeva: «Aǵymdaǵy jyldyń 24 naýryzynda Elbasy, partııa Tóraǵasy N.Á.Nazarbaev Saıası keńes bıýrosynyń otyrysynda jáne fraksııa jınalysynda partııa men depýtattar korpýsynyń negizgi mindetterin atap ótti. Esterińizge salyp óteıin.
Birinshiden, Úkimetpen birlese otyryp, Bes ınstıtýttyq reformany iske asyrý jónindegi Ult Josparyn zańnamalyq qamtamasyz etý boıynsha jumysty jalǵastyrý;
ekinshiden, partııanyń saılaýaldy baǵdarlamasyn sapaly jáne ýaqtyly iske asyrýdy qamtamasyz etý;
úshinshiden, «Nurly Jol» baǵdarlamasyn iske asyrýǵa jáne memleket bólgen qarajattyń tıimdi jumsalýyna qatań partııalyq baqylaý jasaýdy kúsheıtý;
tórtinshiden; halyqtyń ózekti máselelerin anyqtaýǵa jáne sheshýge jan-jaqty kómek kórsetý;
besinshiden, Qazaqstan halqy Assambleıasymen tyǵyz ózara is-qımyl jasaý;
altynshydan, ortalyqtaǵy jáne jergilikti jerlerdegi fraksııalardyń jumysy halyqtyń kókeıkesti problemalaryn naqty sheshýge, keri baılanysty nyǵaıtýǵa baǵyttalýy qajet», – degen bolatyn, deı kelip, bul mindetterdi oryndaý úshin fraksııa sapaly zańdar shyǵarý qyzmetine basa kóńil bólý qajettigin atap ótti.
Fraksııa týraly erejege sáıkes, jınalysta Asqar Bazarbaev, Irına Aronova, Nurtaı Sabılıanov fraksııa jetekshisiniń orynbasarlary bolyp saılandy.
Fraksııa sheshimimen fraksııanyń janyndaǵy úsh konsýltatıvtik-keńesshi organdar: Ekonomıkalyq saıasat jónindegi keńes; Áleýmettik keńes; О́ńirlik saıasat jáne máslıhattarmen jumys jónindegi keńester quryldy.
Ekonomıkalyq saıasat jónindegi keńesti depýtat Beıbit Mamraev, Áleýmettik keńesti depýtat Shaýqat О́temisov, О́ńirlik saıasat jáne máslıhattarmen jumys jónindegi keńesti depýtat Serik Seıdýmanov basqaratyn boldy.
Sonymen qatar, fraksııa jınalysy «Nur Otan» partııasynyń Májilistegi fraksııasynyń janyndaǵy «Nurly Jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasyn iske asyrýǵa Qazaqstan Respýblıkasy Ulttyq qorynan bólinetin qarajattyń jáne bıýdjettik qarajattyń maqsatty jáne tıimdi jumsalýyna baqylaý júrgizý boıynsha komıssııanyń jeke quramy bekitildi, sondaı-aq onyń kelesi baǵyttar boıynsha basshylary saılandy:
«Áleýmettik ınfraqurylymdy damytý» komıssııasyn depýtat Irına Aronova; «Turǵyn úı-kommýnaldyq sharýashylyq ınfraqurylymyn, sýmen jáne jylýmen jabdyqtaý jelilerin jańǵyrtý, turǵyn úı ınfraqurylymyn nyǵaıtý» komıssııasyn depýtat Berik Ospanov; «Indýstrııalyq, energetıkalyq ınfraqurylymdardy damytý, shaǵyn jáne orta bıznes pen iskerlik belsendilikti qoldaý» komıssııasyn depýtat Nurtaı Sabılıanov; «Kólik-logıstıkalyq ınfraqurylymdy damytý» komıssııasyn depýtat Muhtar Tinikeev; «Agrónerkásip kesheni sýbektileriniń básekege qabilettiligin arttyrý» komıssııasyn depýtat Jeksenbaı Dúısebaev basqaratyn boldy.
Májilistegi fraksııa múshelerin «Nur Otan» partııasynyń saılaýaldy «Qazaqstan-2021: Birlik. Turaqtylyq. Jasampazdyq» baǵdarlamasyn iske asyrý boıynsha qabyldanyp jatqan is-sharalar jóninde partııa hatshysy Natalıa Godýnova habardar etti.
Sonymen qatar, otyrysta fraksııanyń aǵymdaǵy qyzmetiniń máseleleri qaraldy.
Jınalystyń jumysyna Prezıdent pen Úkimettiń Qazaqstan Respýblıkasynyń Parlamentindegi ókilderi qatysty.