Jańa uıymnyń tusaýy kesiledi

Sáýir aıynyń 28-i kúni Astana qalasynda Islam Yn­ty­maqtastyǵy Uıymyna (IYU) múshe elder mınıstrler kon­ferensııasynyń Azyq-túlik qaýipsizdigi jáne aýyl sharýashylyǵyn damytý jónindegi 7-sessııasy ótedi. Sonyń sheńberinde Azyq-túlik qaýipsizdigi jónindegi ıslam uıymy (AQIU) qurylyp, onyń Bas assambleıasynyń quryltaı sessııasy uıymdastyrylmaq. Osyǵan oraı, keshe Ortalyq kommýnıkasııalar qyzmetinde baspasóz máslıhaty ótkizildi. Brıfıngte Aýyl sharýa­shy­lyǵy vıse-mınıstri Ermek Kósherbaev jańa uıymnyń qury­lymy, onyń jumys jospary tý­raly aıtyp berdi. Onyń sózi­ne qaraǵanda, uıymnyń bas keń­sesi Astana qalasynda ornalasyp, alǵashqy úsh jylda oǵan Qa­zaqstan tóraǵalyq etpek. «Azyq-túlik qaýipsizdigi jónindegi ıslam uıymyn qurý bas­tamasyn 2011 jyly Islam Ynty­maqtastyǵy Uıymy Syrt­qy ister mınıstrleri keńesiniń 38-sessııasynda Memleket basshy­sy kótergen bolatyn. Eki jyl­dan keıin IYU-ǵa múshe mem­leketterdiń 30 sarapshysy Astana qalasynda ótken úkimetaralyq sarapshylar otyrysynda jarǵylyq qujattyń jobasyn kelisti. Bú­gin­de qurylǵaly otyrǵan uıymnyń jarǵysyn oǵan múshe 24 memleket bekitip, qol qoıdy», – degen E.Kósherbaev AQIU-nyń saıası emes, ekonomıkalyq uıym bolatynyn atap ótti. Jańa uıymnyń atqaratyn jumysyna toqtalǵan Vıse-mı­nıstr: «Astanada ótetin quryl­taı sessııasynda negizgi baǵyt-baǵdar aıqyndalady. Jalpy, AQIU-ǵa múshe memleketter­de aýyl sharýashylyǵyn, azyq-túlik qaýipsizdigin jáne bıotex­nologııany tıimdi damytý kóz­delip otyr. Sonyń aıasynda ártúrli aspektide tehnıkalyq noý-haý qoldanylyp, tyń tájirı­beler iske asyrylmaq. Odan bólek, turaqty áleýmettik baıla­nysty qamtamasyz etý, topy­raqtyń sorlanýy, orman alqap­tarynyń azaıýy jáne shól-shóleıt máselelerine qatysty túıt­kilderdi sheshýge  de kúsh jum­salady. Sondaı-aq, uıym azyq-túlik qaýipsizdiginiń rezer­vin qurý arqyly múshe memleketterge qajetti jedel jáne izgilikti kómekti anyqtaý ári usyný maqsatynda atalǵan salada baǵalaý jáne monıto­rıng júrgizýdi, soǵan oraı texno­lo­gııalarmen almasý arqyly ortaq aýyl sharýashylyǵy qaǵı­dat­taryn úılestirip, júzege asyrýdy josparlaýda», – dedi. О́z kezeginde Syrtqy ister mınıstrligi Jalpyazııalyq yntymaqtastyq departamentiniń dırektory Álibek Baqaev qa­zirgi tańda Astanada ótetin is-sha­raǵa 27 memleket pen 6 ha­lyq­aralyq uıymnyń ókilderi qaty­satyndaryn rastaǵanyn, 28 sáýirge deıin olardyń qatary arta túsetinin aıtty. Son­daı-aq, ol búginde uıymnyń jarǵysyn Qazaqstan men Nıger Respýblıkasynyń ratıfıka­sııalaǵanyn jetkizip, «Atalǵan qujattyń tolyq jumys isteýi úshin ony kem degende taǵy 8 memleket resimdeýi tıis», – dedi. Sonymen qatar, baspasóz máslıhatynda IYU-ǵa múshe elder mınıstrleri konferensııasynyń 7-sessııasynda Bas assambleıanyń tóraǵasyn, orynbasaryn jáne hatshylyqtyń bas dırektoryn saılaý máselesi qaralyp, uıymnyń qarjylyq prosedýrasy men aldaǵy 5 jyldyq jospary bekitiletini belgili boldy. Elaman QOŃYR, «Egemen Qazaqstan».