QARAǴANDY. 6 sáýir. Temirtaýda Mercedes-Benz kóligi qaǵyp ketken 10 jasar qyz bala túrli jaraqattarmen aýrýhanaǵa tústi. Bul týraly Qaraǵandy oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
Temirtaý qalasyndaǵy Mır dańǵylynyń boıynda Mercedes-Benz kóliginiń 51 jastaǵy júrgizýshisi jaıaý júrginshiler ótetin jerde 10 jasar qyz balany qaǵyp ketti. Japa shekken oqýshy aýyr jaraqattarmen Qaraǵandydaǵy Maqajanov atyndaǵy klınıkaǵa jetkizildi.
Júrgizýshi eshqaıda ketpeý týraly qolhatpen bosatyldy. Ol jyldamdyqty shamadan tys asyryp, oqýshy qyzdy qaǵyp ketken kinásin moıyndady.
Qazirgi ýaqytta saraptamalar taǵaıyndalyp, sotqa deıingi tergeý amaldary júrgizilip jatyr.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Foto: info-rm.com.