ASTANA. 6 sáýir. Pákistannyń soltústik-batysyndaǵy Haıber-Pahtýnhva provınsııasynda sý tasqynynyń saldarynan 70-ten astam adam qaza tapty. Bul týraly bbc.com-ǵa silteme jasaǵan egemen.kz tilshisi habarlady.
Tabıǵat apatynan kóptegen kósheler sý astynda qalyp, júzden astam ǵımarattar qırap qaldy. Aımaq basshylyǵy osyǵan deıin tolassyz jaýǵan jańbyrdyń sońy sý tasqynyna alyp kelgenin ári 36 adamnyń opat bolǵany jóninde málimdegen. Alaıda, olardyń sany kún ótken saıyn artyp bardy. Sondaı-aq, qazirgi kezde 20-dan astam turǵynnyń iz-túzsiz joǵalyp ketkeni anyqtaldy.
Aıta keteıik, ótken jyly bul memlekette sel júrip, 80 adamnyń ómirin julyp ketken. Apatty aımaqta 300 myńnan astam turǵynǵa shyǵyn kelgen.
Aıan Ábdýálı.
Derek: bbc.com.
Foto: 24.kz.