ASTANA. Týnıste iri jol apatynan 3 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Týnıstiń Mosaique FM radıostansııasynyń habarlaýynsha, jergilikti kompanııalardyń biri jaldap mingen avtobýs Gabes qalasynan eldiń ortalyǵyndaǵy Gafsý qalasyna baǵyt alǵan. Al El-Hamma aımaǵyna taıaý jerde júk kóligimen soqtyǵysyp qaldy. Saldarynan fırma jumysshylary opat boldy. Sondaı-aq, 30 adam túrli deńgeıde jaraqat alyp, jaqyn mańaıdaǵy aýrýhanalardyń birine jetkizildi.
Apatty jaǵdaıǵa kimniń kináli ekeni ázirge belgisiz. Alaıda, aldyn ala boljam boıynsha, eki kóliktiń biri joldyń qarsy betine shyǵyp ketken. Qazirgi kezde polısııa qyzmetkerleri oqıǵa ornynda tergeý jumystaryn júrgizip jatyr.
Derek: TASS.
Foto: tvc.ru.