ASTANA. 6 sáýir. Ońtústik Qazaqstan oblysy ákiminiń orynbasary bolyp Jaqyp Bókenbaev taǵaıyndaldy. Bul týraly otyrar.kz saıtyna silteme jasaǵan egemen.kz tilshisi habarlady.
Jaqyp Bókenbaev 1969 jyly týǵan. Bilimi joǵary, mamandyǵy – ınjener-mehanık, býhgalter-ekonomıst.
Eńbek jolyn Ońtústik Qazaqstan oblysy Shymkent qalasyndaǵy «3-Energoortalyq» AAQ atqarýshy dırektory bolyp bastaǵan. 2002-2005 jyldary «3-Energoortalyq» AAQ bas dırektorynyń birinshi orynbasary jáne bas dırektory, «Túrkistanenergo» AAQ ońaltýdy basqarýshysy jáne atqarýshy dırektory, «Ońtústik Jaryq» JShS dırektory, «Astana-fınans» AQ dırektorlar Keńesiniń múshesi, «Qazaqstandyq kommýnaldyq júıesi» AQ-nyń prezıdenti, «Investment Company Capital Management» JShS-niń bas dırektory retinde eńbek etken.
2009-2013 jyldary Indýstrııa jáne saýda mınıstrligi ónerkásip komıteti tóraǵasynyń orynbasary, Indýstrııa jáne jańa tehnologııalar mınıstrligi elektr energetıkasyn jáne kómir ónerkásibin damytý departamentiniń dırektory, elektr energetıkasyn jáne kómir ónerkásibi departamentiniń dırektory, «Kazaqenergosaraptama» AQ elektr energetıkasyn damytý departamentiniń dırektory, «Elektr energetıkasyn damytý jáne energııa únemdeý ınstıtýty (Kazaqenergııasaraptama)» aksıonerlik qoǵamynyń basqarma tóraǵasy bolǵan.
Oblys ákiminiń orynbasary jańa qyzmette turǵyn úı-kommýnaldy sharýashylyq, energetıka, kólik, tabıǵat paıdalaný men tarıf saıasatyn, baılanys jáne kommýnıkasııa salalaryna jetekshilik etetin bolady.
Dastan Kenjalın.
Derek, foto: otyrar.kz