ASTANA. 6 sáýir. Qazaqstan Respýblıkasy Prezıdenti ákimshiligi men Ordabasy aýdandyq máslıhatynyń kelisimi boıynsha Ońtústik Qazaqstan oblysy ákiminiń ókimimen Ordabasy aýdanynyń ákimi laýazymyna Almasbek Mamytbekov taǵaıyndaldy. Bul týraly otyrar.kz saıtyna silteme jasaǵan egemen.kz tilshisi habarlady.
Almasbek Mamytbekov 1969 jyly týǵan. Bilimi joǵary, mamandyǵy – geografııa jáne bıologııa pánderiniń oqytýshysy, ekonomıka jáne bıznes bakalavry.
Eńbek jolyn 1984 jyly Shymkent oblysy Túlkibas aýdanynyń qus fabrıkasynyń elektromonteri retinde bastaǵan. 1996 jyly Shymkent qalalyq jastar isi, týrızm jáne sport basqarmasynyń mamany bolyp bastap, memlekettik qyzmetke keledi. 2005-2016 jyldary Ońtústik Qazaqstan oblysy ishki saıasat departamenti dırektorynyń orynbasary, Túlkibas aýdany ákiminiń orynbasary, oblystyq ishki saıasat basqarmasynyń bastyǵy, Ońtústik Qazaqstan oblysy ákimi apparaty uıymdastyrý-ınspektorlyq bólimindegi oblys ákiminiń bas ınspektory, «Nur-Otan» partııasynyń Ońtústik Qazaqstan oblysy boıynsha fılıaly tóraǵasynyń orynbasary jáne birinshi orynbasary, Ońtústik Qazaqstan oblysy ákimi apparaty baspasóz qyzmetiniń basshysy, oblystyq ishki saıasat jáne din isteri basqarmasynyń basshysy laýazymdaryn atqarǵan.
2016 jyldyń aqpan aıynan bastap Ońtústik Qazaqstan oblysy Ishki saıasat basqarmasynyń basshysy bolyp qyzmet etip keldi.
Dastan Kenjalın.
Derek, foto: otyrar.kz