ORAL. 6 sáýir. Batys Qazaqstan oblysynyń Aqsaı qalasynda júkti áıeldiń ústine qoqys jáshigi qulap ketti. Bul týraly mgorod.kz-ke silteme jasaǵan egemen.kz tilshisi habarlady.
Oqys oqıǵa keshe saǵat 11:00 shamasynda qalanyń 4-shaǵyn aýdanynda bolǵan. Atap aıtqanda, arnaıy kólikke qoqys qaldyqtaryn tıep jatqan kezde, onyń janyna turmys qaldyqtaryn laqtyrý úshin aıaǵy aýyr azamatsha kelgen. Sol sátte kóliktiń kótergish qurylǵysy synyp, oǵan ilingen jáshik áıeldiń ústine qulap ketken. Saldarynan zardap shegýshiniń qol-aıaǵy synyp, ol dereý aýrýhanaǵa jetkizildi.
Bórli aýdandyq ishki ister bóliminiń baspasóz qyzmeti taratqan málimetke súıensek, qazirgi tańda azamatsha aýrýhananyń jansaqtaý bóliminde jatyr. Dárigerler áıeldiń esin jıǵanymen, jaǵdaıy aýyr ekenin aıtyp otyr. Búginde osy oqıǵaǵa qatysty tergeý amaldary júrgizilýde.
Temir Qusaıyn.
Derek, foto: mgorod.kz.