Taıaýda «Jastar» teatrynda Qazaqstan halqy Assambleıasynyń Astana qalasy boıynsha hatshylyǵy, elordanyń Mádenıet, muraǵattar jáne qujattama basqarmasynyń uıymdastyrýymen el Táýelsizdiginiń 25 jyldyǵyna arnalǵan XVII qalalyq «Dostyq. Birlik. Táýelsizdik» atty taqyrypta Qazaqstan halqy dostyǵynyń festıvali bolyp ótti.
Is-sharanyń kózdegen maqsaty – ana tilindegi erkin shyǵarmashylyqqa jaǵdaı jasaý, tól mádenıetke, salt-dástúr men ádet-ǵurypqa degen súıispenshilikke baýlý, oǵan qurmet kórsetý, mádenı jetistikterdi saqtap, kóbeıtý bolyp tabylady. Festıvalǵa Astana qalasynyń etnomádenı birlestikteriniń shyǵarmashylyq ujymdary qatysyp, shara aıasynda túrli janrdaǵy kórkemdik nómirlerdi kópshilik nazaryna usyndy.
Sondaı-aq, beıneleý óneri, grafıka men qolóner týyndylarynyń kórmesi uıymdastyryldy. Konserttik baǵdarlama barysynda «Radıma» belorýs, «Vatra» ýkraın, «Tań» tatar-bashqurt, «Parvız» tájik, «Van» armıan, «Hazar» ázerbaıjan, «Alef» evreı mádenı-aǵartý ortalyqtarymen qosa, «Barbang» kúrdter qaýymdastyǵy» RQB Astana qalalyq fılıaly, Qazaqstandaǵy uıǵyrlardyń respýblıkalyq mádenı ortalyǵynyń Astanadaǵy fılıaly, Astanadaǵy Orys qaýymy mádenı birlestigi, «Vaınah» cheshen-ıngýsh EMB, «Polıakı» QB, «Zlata» bolgar, «Belarýs» mádenı birlestigi, ózbek etnomádenı birlestigi, «Qyrǵyzstan-Astana» QB, Vozrojdenıe» nemis, «Obereg» ýkraın qoǵamy, «Lad» respýblıkalyq slavıan qozǵalysynyń fılıaly, Astana qalasy koreıleriniń etnomádenı birlestigi, «Dala ólkesi kazaktarynyń odaǵy» RQB Almaty aýdandyq fılıaldary qatysyp, óz ónerlerin pash etti.
Raýshan TÁÝIRHANQYZY,
«Egemen Qazaqstan»