Elek ózenine shabaqtar jiberildi

«Qazhrom» TUK» AQ-tyń fılıa­ly – Aqtóbe fer­roqorytpa zaýyty tabıǵat qorǵaý shara­laryna basa mańyz beredi. Byltyrdan beri kásiporyn ózen-kól­derdi balyqtandyrýǵa atsalysýda. Bul bastamany budan bylaı jyl saıyn jalǵastyrý kózdelýde. Bıyl da kásiporyn jyldaǵy dástúr boıynsha Aqtóbe qa­lasynyń irgesindegi Elek ózenine tez kóbeıetin 46290 bir jyldyq usaq tuqy sha­baqtaryn jiberdi. Osy ıgilikti is-sharany oı­daǵydaı júzege asyrýǵa 3,5 mıllıon teńgege jýyq qar­jy bólindi. – О́zen-kólderdi balyq­tan­dyrý sharasyna metallýrgter de óz úlesterin qo­syp, osymen ekinshi ret qa­­tysyp otyr. Byltyr Elek ózenine tez ósetin 50 myń tuqy balyqtaryn ji­berse, bıyl da bul bas­tama jal­ǵasyn taýyp usaq sha­baqtar «Ardaǵym» sharýa qoja­lyǵynan alynyp ózenge jibe­rildi. Mundaı shara­­lar qala­myzdyń ekologııalyq ahýalyn jaqsartýǵa, ózen­­­­­derdiń balyq qoryn kóbeı­týge múm­kindik beredi, – deıdi ener­ge­tıkalyq qam­ta­masyz etý basqarmasy bas­­tyǵynyń jylý-energetıka jónindegi orynbasary О́serbaı Qaınekeev. – О́zen-kólderdi ba­lyq­­tan­darý bas­tamasyna Aqtóbe ferroqorytpa zaýy­tynyń ujymy oblys boıynsha alǵashqylardyń biri bolyp ún qosyp, Elek ózenin balyqtandyrýǵa atsalysqan birden-bir kásiporyn bolyp taby­lady. Metallýrgter ýá­desine berik, isterine adal ekendikterin tyń­ǵy­lyq­ty isterimen dá­lel­dep, qala turǵyndaryna úlken qýa­nysh syılap, oblystyń eko­logııalyq máselelerin sheshýge uıytqy bolýda, – deıdi oblystyq tabıǵı resýrstar jáne tabıǵatty paıdalanýdy retteý basqar­masynyń basshysy Nurjan Aqqul. Bul kásiporyn qorshaǵan ortany qorǵaý baǵytynda zaýyt­taǵy gazdan tazartý súzgilerin aýystyrý, óndiris aımaǵyna aǵash otyrǵyzý, kógaldandyrý, abattandyrý, ekologııalyq aılyqtar ótkizý, senbilikter uıymdastyrý sııaqty sharalardy turaqty ótkizip otyrady. Aǵymdaǵy jyly zaýyttyń qorshaǵan ortany qorǵaý basqarmasynyń jumys jos­parynda eko­logııalyq sharalardy júzege asyrýǵa 1782 674 myń teńge kóleminde qarjy qarastyrylǵan. Búgingi tańda osy basqarmanyń bastamasymen 2006 jyldan beri qala jáne óndiris aımaǵyna bir mıllıonnan astam túrli aǵash kóshetteri otyrǵyzyldy. Alǵash ret metallýrgterdiń qolymen otyrǵyzylǵan kóshetter búginde záýlim aǵash bolyp boı túzep, qala jáne óndiris aımaǵyna erekshe sán berip, kórkine kórik qosýda. Satybaldy SÁÝIRBAI, «Egemen Qazaqstan» Aqtóbe oblysy