Keshe Úkimet úıinde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Amerıka-Qazaqstan bıznes-assosıasııasynyń (USKBA) prezıdenti Ýılıam Kortnımen kezdesý ótkizdi, dep habarlady Premer-Mınıstrdiń baspasóz qyzmeti.
Kezdesý barysynda óndiristik jáne ınvestısııalyq salalardaǵy yntymaqtastyqty odan ári nyǵaıtý máseleleri boıynsha pikir almasýlar boldy.
Baqytjan Saǵyntaev respýblıkada qolaıly ınvestısııalyq ahýaldyń jasalyp otyrǵandyǵyn atap kórsete kelip, AQSh bıznesmenderin qazaqstandyq rynokty belsendirek ıgerýge shaqyrdy.
Premer-Mınıstrdiń birinshi orynbasary ındýstrııalandyrýdyń ekinshi satysy sheńberindegi jobalardy júzege asyrý úshin amerıkalyq kompanııalardy tartýǵa múddeliligin bildirdi.
Baqytjan Saǵyntaev, sondaı-aq, AQSh bıznesmenderin EKSPO-2017 halyqaralyq kórmesine qatysýǵa shaqyrdy. Onyń ózi «jasyl tehnologııalardy» damytýǵa qosymsha serpin berip, ozyq tájirıbelerdi keńinen kórsetýge múmkindik týǵyzbaq jáne energetıkalyq tıimdi baǵdarlamalardy ilgeriletýge yqpal etpek.