PAVLODAR. 29 sáýir. Pavlodar oblysynyń ákimi Bolat Baqaýovtyń ókimimen jáne qalalyq máslıhat depýtattarynyń kelisimi boıynsha Nurlan Dúısembınov Aqsý qalasynyń ákimi qyzmetine taǵaıyndaldy. Bul týraly egemen.kz tilshisi habarlady.
Nurlan Dúısembınov 1973 jyly týǵan. Eńbek jolyn «Igilik» banktiń mamany bolyp bastaǵan.
Ol 2005 jyly Pavlodar qalasy boıynsha salyq komıteti tóraǵasynyń orynbasary, tóraǵasy, 2008 – 2014 jyldary oblystyq salyq departamenti basshysynyń orynbasary qyzmetterin atqardy. Sondaı-aq, 2014 jylǵy tamyzdan osy ýaqytqa deıin oblys boıynsha tekserý komıssııasynyń tóraǵasy boldy.
Aktıv barysynda oblys ákimi Bolat Baqaýov jańa ákimniń aldyna birqatar mindetter qoıdy.
«Qalanyń ınvestısııalyq tartymdylyǵyn arttyrý kerek. О́nerkásiptik áleýeti úlken suranysqa ıe. Aqsý ferroqorytpa zaýyty men Eýroazıattyq energetıkalyq korporasııasy mańynda japsarlas óndirister qurý basty mindet», – dedi aımaq basshysy.
Farıda Byqaı.
Derek, foto: egemen.kz.